Cov tsev teev Ntuj thov kom tso tseg kev sib ntaus sib tuag, kom tau pab cov neeg raug av qeeg nyob hauv Mias Mas teb.

Cov tsev teev Ntuj thov kom tso tseg kev sib ntaus sib tuag, kom tau pab cov neeg raug av qeeg nyob hauv Mias Mas teb.

Tswv Qhia Bo uas nyob Yaas Nkoos thov kom tso tseg kev sib ntaus sib tua nyob thoob Mias Mas teb, kom tau zoo kev mus pab cov neeg raug av qeeg raws tib neeg kev ncaj ncees yam tsis txhob muaj teeb meem. Nov yog ib zaug av qeeg muaj ceem nyob hauv ntau caum xyoo dhau los hauv lub teb chaws.

Hnub tim 29 lub 3 hlis no, Tswv Qhia Bo tshaj tawm tias : “Kev kub ntxhov hauv tib neeg kev ncaj ncees no, thov kom tso tseg kev sib ntaus sib tua kom sai.”

“Peb thov kom tso tseg kev nrog txhua pab neeg sib tua kom sai, kom lwm teb chaws thiab cov neeg yuav mus pab cov raug xwv txheej tau zoo kev mus pab yam kaj siab lug thiab tsis ntshai.” Tswv Qhia Bo uas yog tus thawj coj lub rooj sab laj Tswv Qhia nyob Mias Mas hais tias : “Cov xwm txheej zaum no haj yam ua teeb meem rau fab kev ncaj ncees ntxiv nyob Mias Mas teb. Raws lub Leej Haum Kuj kev soj ntsuam, pom tias tsoom pej xeem yuav luag 20 plhom leej, xav tau kev pab yam sai. Nyob hauv cov neeg no muaj cov me nyuam yaus li 6 plhom 300 txhiab leej.”