FABC-OSC tus tuav ntaub ntawv tshiab, cog lus tias yuav txhawb nqa lub Koom Txoos kev sib txuas lus hauv Digital nyob As Xias
FABC-OSC tus tuav ntaub ntawv tshiab, cog lus tias yuav txhawb nqa lub Koom Txoos kev sib txuas lus hauv Digital nyob As Xias.
Cov kav xwm hauv lub rooj sab laj cov Tswv Qhia nyob As Xias (FABC), tau xaiv Txiv Plig John Mi Shen los ua tus thawj tswj hauv kev sib txuas lus OSC ntawm FABC. Kom nws ua cov hauj lwm txhawb nqa kev sib koom tes, kev sib tham thiab kev tshaj lub Moo Zoo hauv kev sib txuas lus raws txheej tshiab.
Nws txoj hauj lwm yog pib txij hnub tim 1 lub 1 hlis 2025 mus txog hnub tim 31 lub 12 hlis 2028. Yog txhib hais txog kev muab siab rau ntawm lub Koom Txoos hauv kev hloov kom haum rau Digital uas hloov mus, thiab txhawb nqa kev muaj feem cuam hauv txoj kev ntseeg nyob As Xias teb.
Thaum xav txog kev xaiv tsa, mas Txiv Plig Mi Shen tau hais lus ua tsaug thiab pom txog nws kev lees txais cov hauj lwm. Nws hais tias : “Kuv zoo siab thiab ua tsaug txog kev cia siab uas tas cov Txiv Plig thiab cov Tswv Qhia tau muab rau kuv. Yog lub txiaj ntsim uas tau mus raws kuv tus tuav xam tus neev taw.”
Txiv Plig Franz-Josef Eiler, SVD tau tuav txoj hauj lwm no los 10 tawm lub xyoo, nws tuag lawm. Txiv Plig Zhaoxian tuaj ntawm lub Cheeb Koom Txoos nyob Suav teb, nws muaj daim ntawv pov thawj fab Theology, nws paub txog kev sib txuas lus hauv zej zog thiab saib xyuas fab ntsuj plig los ntawm lub tsev kawm ntawv txheej siab Santo Tomas (UST) nyob Mas Nis Las.
Txij hnub uas nws raug xaiv tsa hauv hnub tim 18 lub 6 hli 2010, nws muaj feem cuam ruaj khov nyob hauv lub Koom Txoos kev sib txuas lus los yog kev sib xa xov. Txhawb nqa kev sib xa xov kom muaj kev ncaj ncees thiab txhawb nqa kev tshaj lub Moo Zoo.
Vim nws yog tus thawj coj kev ua hauj lwm, ces nws muaj lub zeem muag hauv kev sib txuas lus zoo heev. Nws hais txog 4 yam tseem ceeb, xws li txhawb nqa kev paub hauv kev sib txuas lus, txhim kho Kav Tos Liv kev sib txuas lus los yog Catholic Media Network, txhab lub zog rau cov neeg ntseeg. Tshwj xeeb tshaj yog cov tub ntxhais hluas thiab daws teeb meem kom sai, xws li cov lus yuam kev, kev ncaj ncees hauv Social Media thiab lub tswv yim tsim tawm.
