Vas Tis Kas cov neeg thov kom ceev faj txog kev ncaj ncees, thaum AI tab tom hloov kev sib tham hauv tej kab lis kev cai thiab kev sib raug zoo.

Vas Tis Kas cov neeg thov kom ceev faj txog kev ncaj ncees, thaum AI tab tom hloov kev sib tham hauv tej kab lis kev cai thiab kev sib raug zoo.

Vas Tis Kas cov neeg ceeb toom rau cov thawj coj lub Koom Txoos nyob As Xias tias :

AI lub tswv yim tsim tawm, txhob kheev kom nkag los hloov tib neeg lub tswv yim. Los yog rho lub meej mom tseem ceeb hauv lub neej ua neeg ntseeg.

Tus kws txuj Ruffini uas yog tus thawj coj kev sib tham tau thov kom cov Tswv Qhia tig mus saib txog qhov meej tseeb ntawm Technology kev ncaj ncees thiab tuav xam kom zoo, hauv cov Tswv Qhia lub rooj sab laj nruab xyoo 2025. Lub rooj sab laj tsa nyob hauv lub tsev kawm txheej siab hwm Leej Ntshiab Fas Ntshis Kus nyob Hooj Koos, hnub tim 10 lub 12 hlis no. Ruffini hais tias ; kev ua tib zoo xav ntawm lub Koom Txoos hais txog AI, yuav tsum pib nyob hauv kev nkag siab ntawm leej tib neeg. Nws ceeb toom tias Technology tab tom pauv kev sib tham, kab lis kev cai thiab kev sib raug zoo uas yog ceev faj txog fab kev ncaj ncees. Nws hais rau cov tuaj sib sau sab laj tias : “Zim txwv no cov neeg ntseeg tab tom ntsib lub caij nyoog tseem ceeb thiab kev lees txais loj kawg.” AI tuaj yeem txhawb nqa kev muaj laij thawj, cov hauj lwm, kev xaus, kev soj ntsuam thiab kev txhais lus. Qhov teeb meem tseeb tiag tsis yog los ntawm tej tshuab thiab Algorithm.