Cov hluas uas tsis muaj nyiaj txiag nyob Nyab Laj teb, lawv yuav tsum zam kev sib yuav thiab kev muaj me nyuam

Tsis hais lub Koom Txoos los yog tej zej zog nyob Nyab Laj teb, tab tom raug teeb meem kub ntxhov ua kom nyob ntsiag to. Vim cov hluas lawv tsis kam sib yuav, vim kev noj haus nce siab thiab nqi zog qis. Kev soj ntsuam 3,000 tus tub zog nyob hauv 10 lub nroog thiab 34 lub xeev hauv lub teb chaws tsis ntev los no. Pom tau tias yuav luag 73 feem pua ntawm cov tub zog uas tsis tau muaj neej, lawv tsis kam sib yuav. Vim lawv tsis muaj nyiaj thiab tus nqi zog qis. Kev soj ntsuam pom tias; cov neeg teb cov lus nug ib nrab ntau, yog hais txog lawv cov nyiaj hli tsis txaus siv nyob hauv niaj hnub. Hos cov muaj txij nkawm 73 feem pua hais tias; nws yog teeb meem rau lawv kev txiav txim siab tias; yuav muaj muaj me nyuam los tsis muaj ? 

Qee leej yuav tsum ncua tseg kom txhob muaj me nyuam, hos qee leej txiav txim siab tsis muaj me nyuam li lawm. Muaj tshaj 53 feem pua hais tias; lawv cov nyiaj hli tsuas txaus them nqi kawm ntawv ib nrab xwb. Hos 7 feem pua hais tias; lawv cov nyiaj hli tsis txaus them nqi kawm ntawv. Ntau tus kws txuj hais tias; hais txog tej kev lag luam no, tab tom hloov cov hluas lawv txoj kev xav hais txog kev sib yuav thiab kev npaj lub neej ntawm cov neeg Nyab Laj. Xws li kev sib yuav, kev muaj me nyuam, kev ua ib yim neeg thiab kev ua ib tug txiv tsev. Tej yam no nws yuav raug ncua mus, los yog raug tso pov tseg yam tsis nco qab txog.