Cov thawj tswj tsev kawm ntawv Kav Tos Liv taij thov kev ncaj ncees thiab kev sib pom dej siab, tom qab ib tug tub kawm ntawv ntaus ib tug xib hwb qhia ntawv nyob Thaib teb

Ib tug txwj laus fab kev kawm ntawv ntawm cov Kav Tos Liv thov kom muaj lo lus teb txog cov xwm txheej uas tshwm sim nyob hauv tsev kawm ntawv, hais txog kev lees txais thiab sib pom dej siab. Tom qab muaj ib qho xyam tawm hais txog ib tug tub kawm 17 xyoo ntaus ib tug xib hwb qhia ntawv nyob hauv lub xeev Uthai Thani. 

Qhov xyam ntawm cov teeb meem tshwm sim ntawd, yog hnub tim 5 lub 8 hli dhau los no. Tus tub kawm ntaus tus xib hwb qhia ntawd uas nws yog ib tug poj niam, vim nkawd sib cav hais txog kev twv ntawv ntawm tus tub kawm. Cov xwm txheej no ua rau muaj kev taij thov kev daws kho tus yam ntxwv thiab daws teeb meem hauv kev tsis sib haum xeeb, kev qhuab qhia kev ncaj ncees thiab cheem kev npau taws nyob hauv cov tsev kawm ntawv Thaib. Cov tub kawm hais tias : qhov no yog qhov tseem ceeb hauv kev kawm thiab kev txhim kho cov tub ntxhais hluas hauv lub teb chaws.  

Txiv Plig Eakarat Hompatum tus lwm thawj tswj fab kev kawm Kav Tos Liv nyob Thaib teb (CECT) hais tias : “Thawj yam uas tseem ceeb yuav tsum yog muaj kev tso siab, kev ncaj ncees thiab daws teeb meem ntawm qhov tshwm sim.”