Kos Lim Naj hu Khas Phus Chas tus tiam lis mus ntsib, hais txog kev nyiag neeg thiab ntxias dag ua hauj lwm uas muaj txhab ntxiv

Kos Lim Naj tus pwm tsav txawv teb chaws, tau hu kom tus tiam lis Khas Phus Chas uas nyob Xes Us mus sib ntsib sib tham. Vim kev nyiag cov neeg Kos Lim Naj cuam tshuam txog kev ntxias dag ua hauj lwm Online nyob Khas Phus Chas teb, tab tom muaj kev ntxias dag heev zuj zus. Nov yog AFP tshaj tawm lub lis piam tag los.

Lub pwm tsav txoj cai hais tias : kev nyiag cov neeg Kos Lim Naj nyob Khas Phus Chas teb. Thaum ub ib xyoos no raug nyiag li ntawm 10 txog 20 leej. Tab sis txhab ntxiv sai kawg los ua 220 leej nyob hauv tsaib no, thiab 330 leej nyob hauv lub 8 hli xyoo no. Kev nyiag neeg txhab ntxiv sai no, ua rau tsoom pej xeem tsis txaus siab tom qab tus tub kawm neeg Kos Lim Naj tuag nyob Khas Phus Chas teb. Muaj kev tshaj tawm tias yog raug cov neeg phem hauv zej zog ntes mus thiab tsim txom. Kev tshaj tawm hais tias muaj coob leej raug ntxias los ntawm cov hauj lwm dag tias yuav tau nyiaj hli siab. Kev tshaj tawm hauv zej zog hais tias : tus tub kawm uas tuag ntawd, yog tuag hauv lub 8 hli nyob Khas Phus Chas teb. Ntseeg tau tias nws tuag los ntawm kev raug tsim txom thiab nws nyiaj tsis taus qhov mob.