Tom qab 4 xyoos uas cov Taliban thim rov qab, Pas Kis Taas teb xav ntiab cov neeg thoj nam As Kas Nis Taas tawm mus
Islamabad rov los siv txoj cai quab yuam neeg rov qab mus lawv teb chaws dua. Lawv teeb txoj cai kom xa cov neeg As Kas Nis Taas 1 plhom 400 txhiab leej rov qab rau hnub tim 1 lub 9 hlis tom ntej no. Kev txiav txim siab zaum no, tab txawm kev ncaj ncees nyob lawv teb chaws yuav tshwm sim kuj xij. Raws li As Mes Lis Kas lub pwm tsav txawv teb chaws tshaj tias; cov Taliban tab tom siv “kev cheb ntxuav raws txoj cai.” Kev xa cov neeg thoj nam rov qab mus lawv teb chaws, raug tso cai thawj zaug hauv lub 10 hli xyoo 2023. Tab sis raug ncua tseg nyob hauv xyoo 2024, vim muaj lwm cov teb chaws tsis txaus siab thiab xyav moo. Txawm li cas kuj xij, tsis ntev los no Pas Kis Taas tau nrog tus tiam lis As Kas Nis Taas sib tham dua, ces lawv yuav xa ib tug tiam lis mus nyob hauv lub tuam ceeb Khas Npus.
Cov nom Pas Kis Taas hais tias ; kev sib raug zoo ntawm Pas Kis Taas thiab As Kas Nis Taas tseem yog qhov zoo ntau dua. Thiab lawv zoo siab yuav txais cov pej xeem As Kas Nis Taas uas lawv muaj Visa raug cai mus nyob Pas Kis Taas teb. Tab sis tsis yog nyob xws li cov neeg thoj nam, yog zoo li cov neeg ncig tsham teb chaws xwb. Muaj ntau qhov laij thawj tom qab kev cheb ntxuav no, muaj ntau tus kws txuj txhawj xeeb txog kev thaj yeeb nyob xib fab pej hauv lub teb chaws. Uas yog qhov chaw npuas ciam nrog As Kas Nis Taas teb thiab yog qhov chaw muaj cov neeg tsim kev kub ntxhov tas mus li. Ib qhov laij thawj kuj yog qee tus nom pom tias cov neeg thoj nam As Kas Nis Taas, lawv tsis muaj kev ncaj ncees nyob hauv Pas Kis Taas txoj kev txhawb nqa ntau xyoo dhau los.
