Xyoo no lub hli Ramadan thiab lub Caij Plaub Caug yog pib ua ke. Cov thawj coj kev teev hawm nyob As Xias thov kom sib koom tes tsim kev thaj yeeb.
Xyoo no lub hli Ramadan thiab lub Caij Plaub Caug yog pib ua ke. Cov thawj coj kev teev hawm nyob As Xias thov kom sib koom tes tsim kev thaj yeeb.
Tswv Qhia Jose Colin M. Bagaforo uas nyob Kidapawan, tau txhib cov neeg ntseeg kom saib qhov los sib ntsib no yog kev sib koom lees txais ua ke. Nws hais tias kev thaj yeeb yog tshwm sim los ntawm kev ua lub neej tseeb tiag, tsis yog hauv kev thov Ntuj. (Picture of CBCP News)
Yog thawj zaug nyob hauv ntau xyoo uas lub hli Ramadan thiab cov neeg ntseeg lub Caij Plaub Caug pib nyob hauv tib hnub uas yog hnub tim 18 lub 2 hlis.
Kom tau muab lub sij hawm ntshiab sib koom ua ke no rau cov Mawv Xis Lim thiab cov neeg ntseeg. Yog qhia txog lub tswv yim kev ntseeg uas nthuav tawm hnub tim 6 lub 2 hlis no.
Tswv Qhia Jose Colin M. Bagaforo uas nyob Kidapawan hauv Mindanao, Fis Lis Pees qab teb. Tau txhib kom ob pab neeg ntseeg saib kev los sib ntsib no tias ; tsis yog lam tshwm sim. Tab sis yog kev qhua hu kom sib koom lees txais ua ke. Nws hais tias kev thaj yeeb yog tshwm sim los ntawm kev ua lub neej thiab kev ua hauj lwm, tsis yog hauv kev thov Ntuj. (Picture of CBCP News)
Tus Tswv Qhia Fis Lis Pees hais tias : “Kev pib ua ke no yog txoj hmoov zoo.” Nws caw cov neeg ntseeg kom tshais ruam qeeb rov mus cuag Tswv Ntuj, thiab mus ua ke hauv kev ntseeg. Hauv lub caij uas muaj kev phem, kev tsis sib haum xeeb thiab kev kub ntxhov ntawm yam muaj txoj sia nyob puv nkaus.
Lub hli Ramadan thiab lub Caij Plaub Caug yog lub caij hauv kev thov Ntuj, kev caiv, kev thim xav thiab kev pub rau luag tej. Tab txawm kev coj kev ua sib txawv, tsis kav ob lub caij no yog hais txog kev tswj tus kheej thiab kev khuv leej cov neeg pluag. Yog nyob hauv Ntawv Ntshiab thiab Isalm. Cov lus nyob hauv Tswv Qhia tsab ntawv yog txhib tias ; kev thaj yeeb yog qhov muaj nqis ntawm ob txoj kev teev hawm. Yog hais txog txoj hmoov zoo uas Yes Xus hais tias : “Cov tau txoj hmoov zoo, yog cov tsim kev thaj yeeb, vim ntuj yuav hu lawv ua Tswv Ntuj cov me nyuam.” Thiab lo lus hauv Qurans yog hais kom tib neeg nkag mus hauv “lub tsev thaj yeeb.” Tsim nyog yuav pom tias ; kev thaj yeeb yog tsis muaj tsov rog.
Tsab ntawv no piav tias kev thaj yeeb yog kev sib raug zoo nrog Tswv Ntuj, nrog lwm tus neeg thiab nrog txhua yam ntuj tsim.
Tswv Qhia Bagaforo hais tias ; kev rhuav tshem txhua yam ib puag ncig yuav rhuav tshem kev thaj yeeb tau tiag, ib yam li kev tsis sib haum xeeb hauv riam phom. Yog hais raws li Vaj Qhia Fas Ntshis Kus ob tsab ntawv Laudato Si thiab Fratelli Tutti.
Kev rov xav txog no txuas nrog kev saib xyuas txhua yam nyob ib puag ncig kom haum nrog kev ncaj ncees hauv zej zog, uas ntsia pom tias kev txom nyem ntawm cov neeg pluag txom nyem thiab kev piam sij ntawm lub ntiaj teb ntawd sib cais tsis tau.
Dhau no lawm tseem qhia txog kev ntseeg ntawm Islam uas hais txog tib neeg cov hauj lwm hauv khalifa, los yog tus saib xyuas kev tsim tawm.
Hauv Fis Lis Pees cov hauj lwm, Tswv Qhia taw mus rau Alay Kapwa uas yog kev cev txim qhia txog kev sib koom tes hauv lub Caij Plaub Caug nruab xyoo tias ; yog kev ua tawm muaj txiaj ntsim qab hau ntawm kev ntseeg ntau dua kev ua pub dawb. Alay Kapwa raug piav tias yog ib qho hauv kev lees txais lwm tus, uas yog ua neeg muaj meej mom thiab lub neej yav tom ntej ua ke.
Los ntawm Alay Kapwa, mas kev thov Ntuj rais ua kev ua hauj lwm pub thiab kev muab tus kheej rais ua kev cia siab. Nws hais tias ; tshwj xeeb tshaj yog cov neeg uas tau txais kev kub ntxhov los ntawm kev pluag txom nyem, kev tsis sib haum xeeb, kev puas tsuaj thiab kev piam sij ntawm txhua yam nyob ib puag ncig.
Kev rov xav txog xaus rau lub suab hu kom cov neeg ntseeg, cov Mawv Xis Lim, cov neeg zej zog thiab pab neeg ua hauj lwm fab kev sib tham ntawm cov kev teev hawm, kom sib koom thov Ntuj thiab ua hauj lwm ua ke. Kom tau saib xyuas cov neeg pluag txom nyem, pab txuag xyoob ntoo, pab qhia txog kev thaj yeeb thiab sib koom tes ua pub rau ntiaj teb lub qhov txhab.
Txhua yam no yog cov hauj lwm ntshiab. Tswv Qhia Bagaforo hais tias : “Txhua yam no yog cov hauj lwm hauv kev thaj yeeb.” Tswv Qhia Bagaforo yog tus thawj tswj pab kav xwm kev sib tham ntawm cov kev teev hawm hauv lub pwm tsav cov Tswv Qhia Kav Tos Liv nyob Fis Lis Pees teb.
Thaum lub hli Ramadan thiab lub Caij Plaub Caug ib txhij pib ua ke, mas cov thawj coj lwm txoj kev teev hawm puav leej cia siab tias ; kev caiv los yog kev yoo thiab kev pub rau luag, yuav rais ua kev thov Ntuj muaj sia. Tsis yog hais tawm los ua lo lus xwb, tab sis yog kev sib koom tes ua ua ke pub rau lub ntiaj teb uas tab tom muaj kev sib tawg.
