Cov Tswv Qhia Kav Tos Liv nyob Xis Laas Kas thov kom pab txuag tus Leej Choj tau hais txog ‘kev tua cheb ntxuav haiv neeg Tas Mws
Hnub tim 26 lub 5 hlis tas los, UCANEWS tso xov xwm tawm tias cov Tswv Qhia, cov Leej Choj, cov Leej Phauj thiab cov tub taij thov tib neeg kev ncaj ncees Kav Tos Liv 112 leeg nyob Xis Laas Kas teb, tau thov lub pwm tsav Tswv Qhia kom pab txuag Txiv Plig Ntsis Vaas Thas – Pes Is Lis (Fr. Jeewantha Peiris) tom qab muaj lus sib cav hais txog Txiv Plig cov lus uas nws piav tias “Tsov rog hauv nroog yog kev tua cheb ntxuav haiv neeg Tas Mws.”
Tsab ntawv taij thov no raug cev hnub tim 25 lub 5 hlis tag los, yog thov kom lub pwm tsav Tswv Qhia pab txuag Txiv Plig Ntsis Vaas Thas dim ntawm cov lus nws hais tias yog kev tua cheb ntxuav thiab tsim kom muaj kev sib ntxub. Thiab thov txhawb nqa kev sib tham hais txog kev sib tawg ntawm cov haiv neeg, kev sib haum xeeb thiab teeb meem ntawm cov neeg Tas Mws uas lawv yog Kav Tos Liv.
Ua ntej no lub pwm tsav Tswv Qhia tau ua tawm zoo li lawv nyob nrug deb ntawm Txiv Plig Ntsis Vaas Thas cov lus. Lawv hais tias yog nws hais raws li nws txoj kev xav ntau dua qhov tseeb ntawm lub Koom Txoos Kav Tos Liv. Cov neeg txhawb nqa qhuas txog Txiv Plig cov lus tias nws ua tawm txog kev sib koom ib lub siab nrog cov neeg Tas Mws uas raug cais. Tab sis cov tsis txaus siab hais tias nws cov lus ua kom muaj kev sib tawg thiab thov cia rau cov tub ceev xwm soj ntsuam.
Tsov rog hauv nroog nyob Xis Laas Kas teb laug sij hawm los tau 17 xyoo, txij ntsuj tsov rog uas tseem hwv cov tub rog thiab cov yeeb ncuab txeeb teb chaws haiv neeg Tas Mws xaus nyob hauv xyoo 2009. Ua rau neeg tuag tshaj 100,000 leej raws li lub Leej Haum Kuj tshaj tawm.
