Lub suab ntawm kev ntseeg : cov neeg nyob As Xias. Cov Pas Kas Yos nyob Thaib teb.

Lub suab ntawm kev ntseeg : cov neeg nyob As Xias. Cov Pas Kas Yos nyob Thaib teb. Voices of faith | Indigenous Peoples in Asia: Karen (Thailand)

Cov Karen los yog Pas Kas Yos, yog ib haiv neeg tsawg uas lawv hais xeem lus Suav Tis Npes. Nyob hauv cov Pas Kas Yos tseem faib ua ntau hom thiab sib txawv. Vim cov Pas Kas Yos feem coob tsis zwm rau ib txog kab lis kev cai thiab tib xeem lus. Thiab feem coob yog nyob hauv lub xeev Karen uas nyob qab teb thiab nyob toob fab naj hauv Mias Mas teb. Cov Pas Kas Yos muab xam los yog 70 feem pua ntawm tas tsoom pej xeem Mias Mas. Muaj cov Pas Kas Yos coob coob khiav mus rau Thaib teb thiab feem coob yog nyob raws ciam teb Thaib thiab Mias Mas. Muaj ib txhia nyob hauv cov pov txwv As Das Mas thiab Nis Khos Npas, nyob Is Ntias teb thiab lwm lub teb chaws hauv As Xias toob fab naj thiab As Xias sab hnub tuaj.

Lub cub tawg yog qhov muaj zog ntawm kev txhawb nqa kev sib koom tes. Kev sib pauv tej kab lis kev cai thiab kev sib txuas ntawm xeem lus hauv ntau yam, xws li kev dhia seev cev, suab paj nruag thiab kev thov Ntuj. Kev sib sau nyob ua ke li no, yog qhov tseem ceeb ntawm kev sib pauv tswv yim thiab tej kab lis kev cai uas muaj nqis.

Lawv xeem lus yog siv los txhawb nqa txoj kev ntseeg, tsim kom muaj ntau yam nyob hauv lub Koom Txoos, vim lub Koom Txoos yog lub Koom Txoos ntiaj teb uas sau sawv daws los nyob ua ke. Txhua tus yuav tsum muaj chaw thiab tsis zam ib tug nyob hauv lub Koom Txoos. Lub Koom Txoos sau tas sawv daws los ua ke kom tau sib xa xov thiab sib tham.      

Txij thaum lub Koom Txoos sawv los, lub Koom Txoos tau hloov tus kheej kom haum rau txhua xeem lus nyob hauv lub caij Pentecost lawm. Qhov ntawd yog qhov pib ntawm lub Koom Txoos. Lub Koom Txoos cov keeb kwm hauv lub Rooj Ncauj Lus Vas Tis Kas Ob, muaj kev txiav txim siab txhais phau Ntawv Ntshiab Latin ua ntau xeem lus. Lub thaj txi Ntuj kuj txhais ua ntau xeem lus thiab.

Lub Koom Txoos tuaj yeem sib tham nrog cov haiv neeg cov xeem lus thiab ua neeg me sib mloog, tuav xam thiab saib cov haiv neeg tej kab lis kev cai kom muaj nqis. Lub Koom Txoos cov lus yog : cov haiv neeg puav leej yog Tswv Ntuj cov me nyuam thiab txhawb nqa lawv xeem lus nyob hauv kev sib tham cia ua lawv tug.

Txoj kev tshiab uas lub Koom Txoos yuav ua tau, yog kev tos txais, kev sib mloog, kev sib tham thiab kev txhawb nqa cov haiv neeg tej kab lis kev cai ntawm lawv. Tab txawm lawv tej kev mob thiab kev cia siab uas lawv muaj nyob hauv kev nrog cov haiv neeg ua ke, nws muaj tus ntsuj plig siab txawv.

Ntxiv no mus yog teeb meem kev mob, teeb meem lwm yam thiab qee yam kev cia siab uas tsim nyog yuav sib tham.

1- Teeb meem kev sib txawv hauv tej tus neeg cov hauj lwm hauv lub Koom Txoos.

2- Kev muab siab rau txog cov tub ntxhais hluas uas tsis yog neeg ntseeg.

3- Cov tub ntxhais hluas ntsib teeb meem tsev neeg sib tawg, ua rau lawv tig mus haus dej haus cawv thiab quav yeeb quav tshuaj.

Qhov chaw uas tej poj yawm txwv koob rhawv kab lis kev cai thiab yog peb teej tug, nws muaj nqis heev nyob hauv fab ntsuj plig. Li ntawd, thiaj tseem ceeb thiab tsim nyog yuav ua ntxiv mus raws txoj cai hauv cov haiv neeg, txoj cai dej av, txoj cai hauv lub cuab tam. Kev txuag thiab txhawb nqa kab lis kev cai, kev teev hawm thiab ua raws lub neej uas tus kheej teeb tseg. Cov haiv neeg tsawg yog cov txuag hav zoov thiab tej yam ntuj tsim, ces kev pauv ntxeev huab cua thiaj raug cov haiv neeg tej kab lis kev cai uas khi lawv nrog daim av thiab xyoob ntoo.  

Cov haiv neeg tsawg yuav nkag siab tias peb yuav tsum txuag thaj av uas peb cov poj yawm txwv koob tseg cia, ces peb yuav tsis muag cov av ntawd. Peb yuav tsis hnov qab peb caj ces thiab tej kab lis kev cai zoo uas cav txog yam ntuj tsim.

Thaum cov tseem hwv txeeb poj yawm txwv koob tej av, peb tuaj yeem qhia lawv txog txoj cai hais txog kev muag av. Zej zog tuaj yeem muaj feem cuam txog kev ua tej kab lis kev cai, txuag cia ua cuab tam thiab txuag lawv tej kev cai. Zim txwv no muaj Social Media kav ntau zuj zus, ces zoo pab peb taij thov kev ncaj ncees thiab txoj cai. Peb xav sib pauv hais txog kev ua hauj lwm txhua fab, tsis hais fab zej zog, kab lis kev cai, lag luam, tsev neeg, kev kawm los yog txhua yam nyob ib puag ncig. Ib qho uas tseem ceeb yog kev teev hawm, kev ntseeg thiab fab ntsuj plig.

Peb cov poj yawm txwv koob tsis tau qhia peb tias muaj av ntau npaum cas, ciam teb yog li cas thiab tsis tau qhia tias peb yog tswv av. Lawv tsuas qhia peb tias peb yug los ua neeg nyob ntiaj teb zoo li los nyob ib ntus xwb peb yuav mus lawm. Lawv qhia peb tias peb yuav tsum txuag dej av thiab hav zoov kom zoo rau peb tej me tub me nyuam lawv tau nyob xws li peb.

Kev siv xyoob ntoo uas tsim nyog, xws li siv ua tej yam uas tsis ua teeb meem rau txhua yam nyob ib puag ncig. Qhov huab cua pauv ntxeev, ua rau kev tsim tawm txawv txav, xws li tej txiv kob swm tshuaj raug kab noj thiab cov txiv tsis zoo. Kev ua tej kab ke xyoo tshiab, ua kom tej tub ntxhais mus ua hauj lwm thiab kawm ntawv nyob hauv nroog tau rov los nrog tsev neeg nyob. Tau xyaum lawv tej kev cai ua ke thiab sib sau ua npoj, xws li mus tsev teev Ntuj Hnub Chiv thiab koom ua lub Koom Txoos tej hmoov tsuj xeeb. Kev siv Social Media ua kom lwm tus paub tias yus ua dab tsi, yog pub lub caij rau sawv daws tau sib tham thiab sib faib yam yus paub rau lwm tus. Tshawb fawb tej yam los ua ua ke. Hauv lub vaj tsev nws muaj kev nyiam kev hlub, kev sov siab thiab kev kaj siab nrog txhiam xws noj.

Xeem lus yog qhia txog yam qub qub uas yog peb teej tug, kom peb paub hais peb xeem lus. Kawm kom paub tej lo lus tob thiab pab kom peb nkag siab txog lub ntsiab lus hauv tej kab lis kev cai. Xeem lus thiaj yog thawj yam ntawm peb teej tug, thaum peb hais peb xeem lus. Peb hais tau meej tseeb thiab tsis yuam kev. Ces xeem lus thiaj yog qhov muaj nqis nyob hauv kev sib xa xov. Qhov nyuab ntawm peb, mas yog peb yuav nrog lwm tus neeg sib tham tau li cas ? Thiab peb yuav daws teeb meem tau li cas, thaum nrog lwm tus hais lus yuam kev ?

Yog peb txuag peb xeem lus, mas zoo li peb tab tom txuag yam uas yog peb teej tug, txuag peb kev ua neej thiab txuag peb tej kev ntseeg. Peb yuav xav tas mus li tias : peb yuav txuag thiab txhawb nqa peb xeem lus tau li cas ? Qhov yooj yim thiab thawj yam uas peb yuav pib, mas yog pib hauv peb tsev neeg ua ntej. Ua kom tej me nyuam paub tias peb muaj kab lis kev cai ntawm peb ntiag tug, peb muaj xeem lus thiab peb txoj kev ntseeg. Peb yuav piav tej no rau peb tsev neeg kom lawv nkag siab tau li cas ? Piav tej yam kom haum qhov zej zog ua, txawm tias yuav muaj kev hloov mus lawm los xij. Nws yeej muaj qhov yuav piav tau rau kom peb tsev neeg nkag siab. Qhov no yog qhov nyuab nyob hauv peb tsev neeg, tab sis peb ntseeg tias yog peb ua tiag mas nws yooj yim heev.

Qhov kawg peb ntseeg tias yog xeem lus tseem ceeb ntawm peb cov poj yawm txwv koob. Peb vam tias sawv daws yuav muaj feem cuam los sib pab txuag thiab rov sib saib xyuas. Lub Koom Txoos kuj yuav txhawb nqa kev sib tham hauv kab lis kev cai thiab zej zog. Nrhiav txoj hau kev pab ua lub neej ywj pheej, sib xa xov thiab sib faib peb tej kab lis kev cai. Teeb meem hauv cov me nyuam kev kawm ntawv, yog lub caij cov me nyuam tau kawm ntawv muaj tsawg heev. Ua rau peb cov me nyuam tsis muaj qhov nyiam thiab xav txog peb tej kab lis kev cai uas yog lawv teej tug lawm.