Tus kab mob tes, mob taw, mob qhov ncauj tab tom ua kev kub ntxhov rau cov me nyuam nyob Nyab Laj teb

Hnub tim 22 lub 4 hlis tas los no, UCANEWS tsah tawm tias Nyab Laj teb tab tom ntsib kev kis tus kab mob tes mob taw thiab sawv hlwv hauv qhov ncauj. Yog hom kab mob uas sib kis yooj yim heev. Tus neeg mob yuav ua kub ua no, tawm hlwv hauv qhov ncauj thiab ua pob khaus rau tes rau taw. Feem coob yog tshwm sim rau cov me nyuam hnub nyoog qis dua 5 xyoos. Tus kab mob no yog tshwm sim los ntawm tus kab mob coxsackievirus A16. Yog qhov sib kis los ntawm cov aub ncaug, cov quav thiab kev ua pa. Yog tshaj raws li lub tsev muab tshuaj Mayo Clinic nyob As Mes Lis Kas teb tshaj tawm. 

Lub pwm tsav noj qab hauv huv hais tias lub teb chaws no muaj kev sib kis kab mob heev zuj zus yam tsis tau muaj los dua. Muaj kev tshaj tawm tias muaj cov neeg mob 26,000 leej thiab tuag lawm 8 leej txij lub 1 hlis los. Yog muab piv rau tib lub caij hauv xyoo tag los, mas kev sib kis kab mob nce siab tuaj lawm 5 npaug. Huab cua kub thaum pib lub caij ntuj sov, mas yog lub caij zoo rau kab mob loj hlob, ces qhov no thiaj raug kiam tias yog qhov laj thawj ntawm kev sib kis kab mob. Cov kws soj ntsuam hais tias “Cov teeb meem no muaj heev zuj zus, vim kev ua lub neej txom nyem ntawm tsoom pej xeem hauv tej chaw ti ti thiab tsis muaj kev ntshiab huv txaus.”