VENDA cov hauj lwm. Pab cov tub ntxhais hluas Is Ntias kom dim ntawm kev quav yeeb quav tshuaj. (Project VENDA: Saving the Indian young from the dangers of drugs)
VENDA cov hauj lwm. Pab cov tub ntxhais hluas Is Ntias kom dim ntawm kev quav yeeb quav tshuaj. (Project VENDA: Saving the Indian young from the dangers of drugs)
Zim txwv no cov neeg quav yeeb quav tshuaj nyob thoob ntiaj teb muaj coob tuaj ntau kawg. Tshaj raws li lub Leej Haum Kuj kev soj ntsuam nyob hauv xyoo 2024 tsaib no. Raws li tau sau cim tseg txog cov neeg quav yeeb quav tshuaj xyoo 2022, yog 292 plhom leej. Txhab ntxiv li 20 feem pua nyob hauv 10 xyoo tag los.
Cov neeg quav yeeb quav tshuaj feem coob 228 plhom leej. Cov quav nplooj maj (quav Xas) yog 60 plhom leej, cov siv Opioids yog 30 plhom leej, cov siv Amphetamines yog 23 plhom leej thiab cov siv yeeb dawb yog 20 plhom leej.
Dua li mas yog siv lwm yam tshuaj. Cov tshuaj Opioids yog tshuaj zoo mob ib ce thiab zoo hnoos, tab sis yog tias siv ntau mas yuav quav thiab ua rau puas hlwb. Amphetamines yog cov lawv muab los ua tshuaj nees.
Cov kws tshaj lij paub txog kev siv tshuaj rau fab kev noj qab haus huv, nyiaj txiag, kev sib raug zoo, kev ntxhov siab thiab poob siab, kev npau suav tsis raws siab xav, kev puas tsuaj thiab kev tuag. Kev hem thawj loj thiab txaus ntshai ua kom lub Koom Haum Fourth Wave Foundation, uas yog cov neeg Is Ntias hais txog teeb meem ntawm cov me nyuam yaus, hais tias yuav tiv thaiv lawv los ntawm kev kawm.
Lub 6 hli xyoo 2021 uas yog hnub quav tshuaj nyob ntiaj teb, lub Koom Haum tau qhib S.A.F.E hauv VENDA cov hauj lwm. Yog cov hauj lwm txhua yam nyob ib puag ncig thiab tsis muaj tshuaj. Nyob hauv 6 lub nroog hauv lub xeev Kerala uas yog lub xeev nyob Is Ntias qab teb. Tsis pes tsawg xyoo dhau los no, pab neeg no tuaj yeem nkag mus txog cov tub ntxhais hluas ntau pua txhiab leej nyob Is Ntias teb. Cov hauj lwm VENDA hais tias : peb tau qhia ntawv thiab txhawb nqa kom cov me nyuam 300 tawm txhiab leej uas lawv tsis kov yeeb kov tshuaj, thiab pab kom lawv txawj txiav txim siab xaiv tej yam lawv saib xyuas tau. Ces cov hauj lwm pib tau zoo raws li lub hom phiaj npaj tseg thiab tau txais kev lees txais lees paub los ntawm lub Leej Haum Kuj (UNODC) hais tias : yog kev ua uas zoo tshaj plaws raws kev cuam tshuam hauv pov thawj.
Lub Koom Haum hais tias lub xeev Kerala yog lub xeev tim ob ntawm lub xeev Punjab uas nyob Is Ntias qaum teb hauv cov neeg quav yeeb quav tshuaj. Ces lub Koom Haum txhawj xeeb txog teeb meem ntawm kev quav yeeb quav tshuaj. Cov me nyuam uas lawv rov tua tus kheej muaj coob heev. Cov me nyuam ntxhais uas raug mos deev, ua rau lawv puas siab puas ntsws muaj txhab ntxiv zuj zus. Lub Koom Haum pom tias cov me nyuam uas kov tshuaj thiab ua kom puas hlwb muaj txhab ntxiv li 125 feem pua nyob hauv lub xeev Kerala hauv 5 xyoos dhau los. Kev tshaj tawm tshaj tias : cov me nyuam uas kov tshuaj thawj zaug, mas yog cov hnub nyoog 11 txog 14 xyoos.
Cov me nyuam kwv yees li 3 plhom leej yog quav nplooj maj los yog quav xas. Tas tsoom pej xeem Is Ntias 25 feem pua yog quav nplooj maj los quav xas. Tseem muaj 2 plhom tawm leej yog cov siv tshuaj Opioids thiab. Tseem hwv txoj kev saib xyuas thiab kev ua kom quav tshuaj muaj tsawg yog nyob hauv 382 lub nroog thoob Is Ntias teb. Tab sis tsis muaj cov hauj lwm tiv thaiv thiab daws teeb meem hauv lub teb chaws. Qhov txaus txhawj yog tsis muaj tus qauv ua hauj lwm los yog tsis muaj chaw zoo rau kev cim yeeb cim tshuaj, uas yog npaj rau cov me nyuam thiab cov hluas.
Lub Koom Haum txhawj txog kev quav yeeb quav tshuaj nyob Is Ntias teb muaj heev zuj zus, yog los ntawm kev tso ywj siab tsis muaj kev tiv thaiv. Qhov phem tshaj ntawd yog zej zog haus yeeb haus tshuaj ntau tuaj. Nyob rau lwm teb chaws tseem muaj cov teb chaws pub siv yeeb siv tshuaj los daws kev ntxhov siab kom tau so lub siab ntau zuj zus thiab. Ces yog qhov yooj yim hauv kev txhawb nqa tej me nyuam, kom lawv tsis muaj qhov tsis kam kov yeeb kov tshuaj.
Peb cov me nyuam nyob hauv lub ntiaj teb uas raug tsim kom muaj ntau yam ntxhov quav niab. Ces cov me nyuam yuav tsum nkag siab txog tej kev ua lub neej no kom muaj lub cev ntaj ntsug zoo dua kev sov siab. Lub Koom Haum ntseeg tias cov tub ntxhais hluas tsim nyog muaj peev xwm hauv kev tiv thaiv ntawm cov me nyuam nrog lawv ib phaum. Tsim kev sib tham uas tsim nyog txhawb nqa lub cev ntaj ntsug ntau dua kev so lub siab uas ua teeb meem, qhov ntawd yog qhov tseem ceeb dua.
Zej zog ua hauj lwm ua ke xwb thiaj yuav tuaj yeem tseg tau kev quav yeeb quav tshuaj, thiab ua kom txhua yam uas hais los no rais ua qhov ruaj khov fab lub cev ntaj ntsug ib yam li sia txoj sia hauv tsheb los yog nkaug Vaccine tiv thaiv me nyuam.
VENDA cov hauj lwm tab tom ua kom tau cheem kev quav yeeb quav tshuaj nyob Is Ntias teb. Tshwj xeeb tshaj yog cov tub ntxhais hluas. Lo lus tias Venda hauv xeem lus Is Ntias yog txhais tias “Cheem”. Lub Koom Haum teeb lub hom phiaj qhov zoo mus rau “Cov me nyuam kawm ntawv ib nrab plhom leej nyob Is Ntias teb xyoo 2025.”
Kwv tij Hmoob sawv daws ! Hnub no peb tham txog VENDA cov hauj lwm pab tsoom pej xeem Is Ntias, kom lawv dim ntawm kev quav yeeb quav tshuaj. Nyob hauv ntau lub teb chaws, muaj cov tsev pab cim yeeb cim tshuaj thiab tseem muaj lwm cov Koom Haum pab neeg txom nyem. Tab sis ntau lub teb chaws tsis muaj kev pab dab tsi kiag, thiab tsoom pej xeem txom nyem kawg. Peb thov Tswv Ntuj lub txiaj ntsim nqes los nyob hauv nej. Ces txawm tias nej nyob hauv cov teb chaws txom nyem tsis muaj kev pab, tsis kav ntuj lub txiaj ntsim yuav pab nej qhia nej tej me nyuam, kom lawv txawj nyob nrug deb ntawm kev quav yeeb quav tshuaj.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Peb mam sib ntsib dua ! Nej sawv daws nyob zoo !
