Cambodia tab tom txhawb nqa cov poj niam ntau plhom leej mus rau fab kev lag luam raws txoj cai.

Khas Phus Chas tab tom txhawb nqa cov poj niam ntau plhom leej mus rau fab kev lag luam raws txoj cai.

Kev txhawb nqa no tau txhab lub zog rau cov poj niam, txhim kho cov nyiaj lawv tau los thiab kev pab txuag lawv, tab sis kuj tseem zoo tsis tas. Cov tseem hwv Khas Phus Chas tab tom txhawb nqa cov poj niam ntau plhom leej uas ua hauj lwm hauv kev lag luam tsis raws txoj cai thiab txhawb nqa lawv mus rau kev ua lag luam kom raws txoj cai, nrog rau txoj cai hauv kev txuag cov poj niam. Kev pauv ntxeev no muaj txiaj ntsim qab hau rau kev lag luam thiab zej zog hauv kev nce se, kev kho mob siv nyiaj tsawg thiab txhawb nqa kev sib koom tes hauv zej zog. Ing Kandha Bhavi hais tias  :

“Tseem hwv pom tias cov poj niam ib txwm yog tus txha nqaj qaum hauv kev lag luam thiab zej zog. Thiab tau txhab kev nqis peev hauv kev txhawb nqa txoj cai, lub luag hauj lwm thiab kev lag luam ntawm cov poj niam thiab lawv tsev neeg.”

Raws lub Koom Haum tub zog ntawm cov teb chaws tej ntaub ntawv pom tias ; muaj tshaj 88 feem pua ntawm cov tub zog 10 plhom leej nyob Khas Phus Cas ua lag luam tsis raws kev cai thiab 88 feem pua ntawm cov tub zog no yog cov poj niam.

Cov poj niam coob tshaj 7 plhom 7 pua txhiab leej nyob thoob lub teb chaws yog ua hauj lwm fab lag luam tsis raws kev cai, xws li ua hauj lwm hauv liaj teb, lag luam hauv tsev neeg, ua lag luam ntawm ntug kev, ua tub zog txhim vaj tse, muag khoom hauv kiab khw, txiav plaub hau thiab ua lwm yam hauj lwm uas muaj ntsis zoo ib yam.

Yawg Tep uas yog cov kav xwm ua hauj lwm nyob Banteay Srei, yog lub Koom Haum ua hauj lwm pab cov poj niam tsis muaj lub caij hais tias :

“Cov txiv neej ua hauj lwm fab lag luam tsis raws txoj cai, kuj ntsib teeb meem ib yam.”

Tab sis cov poj niam ntsib kev txhawj xeeb ntxiv, hais txog kev phem hauv kev sib deev. Kev txawj ntse fab Technique, fab hauj lwm, fab kev kawm thiab fab kev qhuab qhia muaj tsawg dua cov txiv neej. Thiab kev yuav mus txog peev nyiaj txiag uas teeb tseg, vim kev tuav pov hwm qis dua thiab kev nyiaj txiag tsis zoo.

Feem coob tsis muaj kev pab kho mob, kev pov hwm raug mob los yog nyiaj so laus. Tab txawm tias cov hauj lwm tsis raws kev cai no cov poj niam yuav muaj coob dua, nrog rau kev ua liaj ua teb tsawg thiab tej koom haum me me.

Lawv ntsib teb meem hauv kev nce npe thiab kev ua raws txoj cai hauv tej koom haum nrab thiab me. Nrog rau sij hawm thiab kev siv nyiaj hauv kev nce npe. Txoj cai se thiab kev ua hauj lwm ntxhov quav niab. Qhov txiaj ntsim qab hau puas yog tias qis dua kom raws txoj cai. Cov poj niam tsis muaj kev txawj ntse hauv kev ua tus coj, mus tsis txog kev qhuab qhia fab Technique kev txawj ntse, hauj lwm, kev kawm, peev nyiaj txiag thiab kev txawj ntse fab Digital.

Tep hais tias ; kev phem uas los ntawm poj niam thiab txiv neej kev tsis sib luag, yog kev cov nyom thiab kev tso hem thawj rau cov poj niam ua lag luam tsis raws txoj cai thiab cov ua raws txoj cai. Cov poj niam muaj txiv kwv yees 1 feem 5 hais tias ; raug nws tus txij nkawm quab yuam lub cev los yog mos deev. Cov poj niam li hais no 50 feem pua tsis tau txais kev pab, vim kev raug mob yog qhov xwm yeem thiab kev nrhiav kev saib xyuas lub cev ntaj ntsug qis kawg.

Kev phem ntawm poj niam thiab txiv neej ua teeb meem rau kev muaj feem cuam hauv fab tub zog thiab kev tsim tawm. Ua rau hauj lwm tu ncua thiab cov poj niam tig mus ua cov hauj lwm tsis raws txoj cai, los yog poob hauj lwm. Thawj yam kev phem ntawm poj niam thiab txiv neej uas raug teeb nyob hauv kev muaj feem cuam sab laj, kev qhuab qhia thiab kev ua tus coj ntawm cov poj niam. Nws kuj yuav txwv kev mus txog tej kiab khw thiab kev txhawb nqa hauv liaj teb.

Kev hloov pauv ntawm cov poj niam mus rau cov hauj lwm raug txoj cai, kuj muaj txiaj ntsim qab hau rau kev lag luam thiab tej zej zog huv si.

Tep hais tias : “Kev ua raws li txoj cai lij choj hauv kev tiv thaiv zej zog, nws pab txuag kev kho mob uas siv nyiaj ntau, thiab pab kom muaj kev tsim tawm ntxiv.”

Tus se thuav dav pab kom khwv tau nyiaj thiab tsim kev sib luag rau cov Koom Haum uas ua raws txoj cai. Cov nyiaj pab txhawb nqa yog hais txog kev txhawb nqa cov lag luam me, lag luam nrab thiab cov lag luam loj uas poj niam ua tus coj thiab cov neeg liaj neeg teb nkag koom nrog. Tab txawm tias kev ua kom raug txoj cai muaj txiaj ntsim qab hau rau qee txoj hauj lwm, tsis kav kuj muaj qhov tsis zoo thiab.

Lub tswv yim ntawm tseem hwv hauv kev txhawb nqa kev muaj vaj huam sib luag ntawm poj niam thiab txiv neej, kev txhawb nqa cov poj niam tej hauj lwm Nieri Rattanak, los yog cov poj niam lub hlaws npliag deg. Hauv 5 xyoos uas tam sim no yog tsab tim 5 thiab lub tswv yim txhim kho lag luam tsis raws txoj cai hauv lub teb chaws xyoo 2023 thiab 2018. Muab ob txoj cai no los ua ke, lub hom phiaj yog txhawb nqa kev lag luam thiab cov tub zog tsis raug cai. Tshwj xeeb tshaj yog cov poj niam, kom lawv maj mam hloov pauv mus rau kev lag luam raws txoj cai ua ntej lub teb chaws yuav dim ntawm kev poob qab hauv kev txhim kho xyoo 2019.

Khas Phus Chas muaj kev pov hwm kev noj qab haus huv thiab kev them nyiaj laus uas ua tiav thiab raug muab los siv. Yog peev nyiaj txiag kev ruaj ntseg hauv lub teb chaws, uas tus tswv thiab cov tub zog sib koom nyiaj ua ke. Tab sis kev txuag pov hwm no muaj rau cov tub zog uas yog tseem hwv li xwb. Hauv poj niam lub hlaws npliag deg, tus neeg uas ua lag luam ywj siab tuaj yeem pub nyiaj rau peev nyiaj txiag kev ruaj ntseg hauv lub teb chaws tau los ntawm nws kev txaus siab. Thiab tab tom muaj nyob hauv Platform kom yog qhov yooj yim rau sawv daws nce npe hauv tej kev lag luam tsis raws txoj cai. Kom lawv tau nkag txog tej txiaj ntsim qab hau thiab nkag txog peev nyiaj txiag. Nieri Rattanak tau teeb 41 nqe lus tseem ceeb uas yog hais txog kev txhawb nqa cov poj niam hauv kev ua tus coj. Txhawb nqa kom nkag mus txog kev kawm, kev noj qab haus huv thiab kev lag luam. Tsis tas li ntawd, tseem pab daws teeb meem kev kub ntxhov ntawm poj niam thiab txiv neej.

Hais txog Nieri Rattanak, mas Eng Chandi uas nws yog tus thawj coj ntawm cov hauj lawm txhawb nqa kev muaj vaj huam sib luag thiab kev txhim kho nyob Khas Phus Chas teb hais tias : “Lub tswv yim no muaj txiaj ntsim qab hau hauv kev taij ua ntawm cov poj niam thiab coj kev ncaj ncees rau txhua tus poj niam hauv qhov sib txawv. Nws tseem pab kom lwm cov Koom Haum nyob Khas Phus Chas teb, txoj cai kev sib luag ntawm poj niam txiv neej haum nrog lub pwm tsav thiab.”

Tseem hwv tau txo qhov sib txawv ntawm poj niam thiab txiv neej fab kev kawm, kom cov poj niam muaj kev txawj ntse tuaj thaum lawv nkag mus rau fab tub zog, tab sis kev pauv ntxeev no yuav tsum siv sij hawm thiab tau txiaj ntsim qab hau tiag. Tseem muaj lwm txoj kev rau fab kev txawj ntawm cov txiv neej yog 94 feem pua, thiab cov poj niam yog 63 feem pua.

Banteay Srei ua hauj lwm nrog cov poj niam uas pluag txom nyem thiab cov zej zog nyob toj siab tau 25 xyoos, kom tau hloov kev tseev tsim, kev lag luam thiab zej zog. Yog taw mus rau kev txhawb nqa kev muaj vaj huam sib luag ntawm poj niam thiab txiv neej, poj niam txoj cai thiab tiv thaiv kev ua phem rau cov poj niam.

Zim txwv no Banteay Srei tau pab cov poj niam 2,000 leej hauv cov hauj lwm khwv tau nyiaj thiab txhawb nqa kev ua zoo hauv lub xeev Siem Reap thiab lub xeev Battambang uas nyob xib fab pej. Tep hais tias pab neeg no tseem ua hauj lwm “lub tsev nyab xeeb” rau cov poj niam nyob hauv 2 lub xeev no. Los txog tam sim no, muaj cov raug cawm dim los ntawm kev ua phem kwv yees li 450 leej. Tep hais tias :

“Peb tau muab kev tuav xam, txhawb nqa kev tawm rooj, nqi noj haus thiab xa lawv mus rau lub Koom Haum fab txoj cai lawm.”

Kwv tij Hmoob sawv daws ! Hnub no peb tham txog Khas Phus Chas teb txhawb nqa ntau plhom tus poj niam mus rau tej kev lag luam uas haum txoj cai los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !

Lwm zaus peb mam sib ntsib dua, nej sawv daws nyob zoo !