Hnub tim 17 lub 8 hli 2025, cov Phauj Leej Niam Lub Plawv Ntshiab hauv Cheeb Koom Txoos Npaas Koj tawm rooj fiv ntuj mus rau lub Cheeb Koom Txoos Ratchaburi, vim tias xyoo no yog xyoo Ntshiab, mas lawv thiaj li sib koom teev Ntuj txais Tswv Ntuj lub txiaj ntsim khuv leej neeg, nyob hauv lub Tuam Tsev Teev Ntuj Leej Niam yug los, nyob Bang Nok Khwaek.
Tom qab ntawd, lawv mus xyuas thiab mloog tus Txiv Plig tswj lub tsev kawm txuj Leej Choj nyob Bang Chang, piav txog lub tsev kawm txuj no lub keeb. Lawv tseem tau nrog cov ntseeg hauv thaj tsam Wat phleng sib tham, thiab xyuas cov Phauj Leej Niam Lub Plawv Ntshiab lub tsev nyob hauv Cheeb Koom Txoos Ratchaburi.
Thaum sawv kev rov los Npaas Koj, lawv mus xyuas thiab thov Ntuj nyob hauv lub tsev teev ntuj Leej Ntshiab Tuam nyob Modtanoi.
