Lub xeev Kerala nyob Is Ntias teb, tau txais txoj cai pov hwm cov neeg laus.
Hnub tim 26 lub 10 hli no, lub pwm tsav txoj cai nyob hauv lub xeev Kerala tau txais lus kheev siv txoj cai txuag pov hwm thiab saib xyuas cov neeg laus nyob hauv lub xeev Kerala xyoo 2026 kom haum pheej. Tam sim no txoj cai no tab tom tos kev sau yuas ntawm tus thawj tswj xeeb. Tsab cai no muaj cai raug txim 3 xyoos, thiab nplua nyiaj hauv kev tsim txom cov neeg laus, kev tso pov tseg thiab lwg cov neeg laus lub cuab tam los ua yus tug txhaum kev cai. Dhau no lawm tseem teeb kom yuav tsum cej luam kev tsim txom cov neeg laus rau tub ceev xwm tsis pub dhau 48 teev, thiab kom cov chaw tu cov neeg laus thiab cov neeg tu cov neeg laus hauv tsev yuav tsum nce npe rau tseem hwv. Cov tu cov neeg laus yuav tsum tau txais kev qhuab qhia zoo, soj ntsuam keeb kwm kev tua neeg thiab txais qhuab qhia txhua txhua 3 xyoos. Kev sau txoj cai no yog lees txais txoj sia, tsim kev txuag pov hwm hauv kev nyiag noj nyiaj thiab ua kom kev saib xyuas yog kev hwj xwm. Saib xyuas cov neeg puas hlwb thiab kev tu cov neeg laus nyob hauv tsev. Lub xeev Kerala muaj cov neeg laus txhab sai kawg nyob Is Ntias teb. Yuav luag 21 feem pua ntawm 33 plhom tus neeg uas muaj hnub nyoog 60 xyoo rov saud. Txiv Plig Karakkat uas nws yog tus thawj tswj pab neeg tshaj lub Moo Zoo hauv lub Cheeb Koom Txoos Idukki's txaus siab rau txoj cai no. Nws hais tias yog txoj cai daws kho kev txhawj xeeb hais txog saib xyuas cov neeg laus. Nws hais tias kev khiav ntawm cov hluas txheej tshiab, ua kom cov neeg laus coob leej tsis tau txais kev txhawb nqa hauv tsev neeg txaus. “Peb cov tsev ntau lub rais ua tsev rau cov neeg laus nyob.” Vim cov hluas khiav mus rau cov teb chaws As Xias Nrab thiab Aws Los Pas, kom tau kev nrhiav nyiaj. Lub Koom Txoos Kav Tos Liv tau nrhiav tsev rau cov neeg laus thiab txhawb nqa lwm yam. Tab sis Txiv Plig Karakkat hais txog qhov cheem tsum hauv tseem hwv kev pab. Tshwj xeeb tshaj yog cov tsev tu cov neeg laus uas pluag thiab txom nyem. Tsab cai no lub hom phiaj yog tsim kev txuag pov hwm hauv txoj cai thiab tuav pov hwm lub meej mom, kev nyab xeeb thiab kev saib xyuas zoo rau cov neeg laus nyob hauv lub xeev Kerala.
