Tsab cai pub lub cev dawb ntawm Nyab Laj, ua kom muaj kev sib cav hais txog me nyuam txoj cai thiab tsoom pej xeem kev tso siab.

Tom qab tseem hwv soj ntsuam txog kev tawm tswv yim ntawm cov me nyuam thiab cov tub ntxhais hluas hais txog txoj cai uas tshaj tawm no. Lub pwm tsav kev noj qab haus huv tau soj ntsuam nyob hauv Online hnub tim 12-21 lub 10 hli no, kom tau thov kev tawm tswv yim ntawm cov me nyuam 7-17 xyoo, hais txog kev daws tsab cai pub lub cev dawb thiab hloov qee yam hauv neeg lub cev xyoo 2006 nyob hauv lub teb chaws.

Tsab cai no yuav tso lus rau cov me nyuam thiab cov tub ntxhais hluas tau nce npe ua cov neeg zoo siab pub tej yam hauv lawv lub cev dawb, uas yog tau txais kev sau npe pom zoo ua txwm ntawv ntawm cov sawv cev fab txoj cai. Dhau no lawm tseem kheev kom muaj kev pub tej nqaij mos kom tau pab cov me nyuam thiab cov tub ntxhais hluas uas tseem muaj sia kom nyob tau hauv kev txuag pov hwm nruj nruj. Txawm li cas kuj xij, cov niam cov txiv thiab cov neeg txawj ntse teeb lus nug tias : “Cov me nyuam yau puas yuav nkag siab txog qhov teeb meem yuav tshwm sim hauv kev phais thiab kev ncaj ncees ?”

Yawg Nguyen Huynh uas nws muaj ob tug me nyuam ntxhov siab tias; cov me nyuam uas lawv yog neeg pluag txom nyem yuav ntsib kev quab yuam hauv tsev neeg los yog kev txuag pov hwm ntawm cov Koom Haum tsis txaus.

Nguyen Quang Tan tus kws tshawb fawb nyob Hanoi, xyav moo txog kev soj ntsuam tias : cov me nyuam uas hnub nyoog sib txawv deb, puav leej tau txais cov ntaub ntawv ntxig nug zoo ib yam. Nws muaj cov lus hauv kev phais thiab hauv txoj cai ntxhov kawg. Nws cav tias kev tuav xam uas tseem ceeb ntawd, yuav tsum muaj kev piav txog qhov tsim nyog thiab pub lub caij rau cov me nyuam tau tawm tswv yim ua kev paub. Ua ke ntawd cov ntaub ntawv yuam kev hais txog muag yam nyob ntawm yus lub cev thiab kev nyiag cov me nyuam tau nthuav dav nyob hauv Online, ua rau tsoom pej xeem muaj kev txhawj xeeb ntxiv. Cov kws kho mob tau hais tias ; tsab cai no tsis kheev kom muab yam nyob hauv cov me nyuam tseem muaj sia lub cev thaum tawm. Kev zoo siab pub dawb yog nyob ntawm cov kws kho mob thiab txoj cai kev txuag pov hwm uas teeb tseg. Nyab Laj teb tab tom ntsib teeb meem tsis muaj cov neeg pub dawb tuag coob kawg. Raws kev tshaj tawm ntawm lub pwm tsav kev noj qab haus huv, mas muaj ze ntawm 91 feem pua uas lawv hloov tej yam tshiab nyob hauv lub cev 11,187 zaug nyob hauv xyoo 1992 txog 2026. Yog hais txog cov neeg pub dawb uas tseem muaj txoj sia nyob. Tab txawm kev daws kho hais tias yuav pab tau neeg txoj sia ntxiv tuaj, tsis kav kev sib cav tseem hais txog qhov tseem ceeb ntawm kev dawb huv, kev zoo siab pub uas muaj ntaub ntawv lees txhij txhua, thiab kev txuag pov hwm cov me nyuam pluag txom nyem kom zoo.

Cov kws txawj ntse hais tias : “Kev cia siab ntawm tsoom pej xeem yuav tsum ua nrog txoj kev pub dawb twg kuj xij.”