Tswv Qhia David hais tias : “Kev tsis sib haum xeeb nyob As Xias thov kom lub Koom Txoos tuam choj, tsis yog ua phab ntsa thaiv.”
Lo lus nug hais txog cov neeg ntseeg uas nyob ua tej pab pawg hauv ntau qhov chaw ntawm cov haiv neeg tsawg nyob As Xias, mas FABC tus lwm thawj tswj hais tias : “Hais txog cov haiv neeg tsawg ntawm lub Koom Txoos, phim yuav xav tias yog lub caij ua pov thawj txog lub Moo Zoo hauv kev sib tham, kev sib haum xeeb thiab kev ua kwv ua tij. Peb tej kev ua nyob hauv tej kev kub ntxhov, tsis yog ua phab ntsa thaiv, tab sis yog kev tuam choj hauv kev sib tham.” Fis Lis Pees tus Tswv Qhia Caloocan hais tias : “Choj raug tsim tawm, kuj yog vim tej kev sib tawg ntawd.”
Nws hais tias lub ntsiab lus hauv lub rooj sab laj yog ‘kev nqua hu kom muaj kev pauv ntxeev raws lub pwm tsav thiab cov hauj lwm ua tus choj thiab ua tus tuam choj nyob As Xias”, ua kom pom txog qhov tseeb hauv xeev ntuj uas muaj ntau yam kab lis kev cai sib txawv, ntau txoj kev ntseeg thiab kev sib tawg, kev pluag txom nyem, kev tsiv teb tsaws chaw thiab kev tsis sib haum xeeb ntawm cov zej zog.
Tswv Qhia David rov hais tias : “Kev sib tham yuav ntxuav kev sib tawg tsis tau, tab sis yuav pib nyob hauv kev xav txog neeg lub meej mom thiab tej txiaj ntsim qab hau ua ke. Tab txawm cov haiv neeg tsawg thiab cov neeg ntseeg, tsis kav kuj muaj cov hauj lwm tshwj xeeb pab txhawb nqa kev sib haum xeeb thiab txhawb nqa kev sib raug zoo ntawm cov kev teev hawm thiab tej kab lis kev cai.” FABC lub rooj sab laj yuav muaj mus txog hnub tim 26 lub 7 hli no, hauv kev thov Ntuj, kev sib tham thiab kev ua ke rov xav txog. Lub hom phiaj yog txhawb nqa lub Koom Txoos cov hauj lwm hauv kev muaj feem cuam, kev tuam choj thiab kev sib raug zoo nyob As Xias.
