Tswv Qhia Garcera thov kom cov tub tshaj Ntuj Lus Online nyob As Xias ‘ntxhi txog Yes Xus’ hauv kev sau siab nyob Mas Nis Las.
Tswv Qhia Garcera uas nws yog tus thawj coj cov Txiv Plig Kav Tos Liv nyob Fis Lis Pees, tau hais cov lus thov no nyob hauv lub thaj txi Ntuj qhib kev sau siab cov tub tshaj Ntuj Lus nyob As Xias teb thawj zaug, hnub tim 11 lub 9 hli hauv Radio Veritas Asia hauv lub nroog Quezon City. Kev sau siab npaj nyob hauv 4 hnub txij hnub tim 10-13 lub 9 hlis, hauv lub ntsiab lus “txij ntawm yus txoj kev ntseeg mus txog pov thawj ntawm cov tub tshaj lub Moo Zoo. Lub neej kev muaj feem cuam rau cov hauj lwm Online nyob As Xias.” Tau coj tas cov tub tshaj Ntuj Lus Kav Tos Liv Online, cov tub xov xwm thiab cov muaj feem cuam li ntawm 100 tawm leej nyob thoob As Xias teb tuaj sib sau ua ke. Tswv Qhia Garcera tau xav txog kev sib raug zoo ntawm nws uas muaj nrog RVA, thiab hais tias : “Tom qab txhim tsa lub zog pej xeem hauv xyoo 1986, mas Tswv Qhia Tswv Qhia Jaime Sin uas tuag lawm, tau teeb tsa nws ua tus thawj coj fab hauj lwm hauv RVA, yog txoj hauj lwm uas nws tuav los tau 7 xyoo. Nws nco txog thaum nws ua hauj lwm fab xeem lus thiab RVA kev tshaj xov tooj cua sab luv (Short Wave) tau coj kev ntseeg Kav Tov Lis mus txog txhua haiv neeg nyob thoob As Xias cov thaj tsam uas mus txog nyuab. Tab txawm tias Technology yuav pauv ntawm xov tooj cua mus rau kev tshaj nyob Online, Podcast, nyob Live thiab AI lub tswv yim tsim tawm, tsis kav nws hais tias RVA cov hauj lwm tseem zoo li qhov qub. Qhov ntawd yog kev coj qhov tseeb, cov kev cia siab thiab lub Moo Zoo mus rau As Xias teb. Uas siv cov duab ua piv txwv txog ‘kev sib ntxhi txog Yes Xus nyob As Xias.” Tswv Qhia Garcera thov kom siv kev tshaj lub Moo Zoo nyob ze tib neeg ntau dua kev qw rau lawv. Nws hais tias : “Peb coj Yes Xus mus nrhiav tib neeg, tsis yog qw rau As Xias. Tab sis yog vim nyob ze As Xias, mloog cov neeg mus ua ke nrog ib tsoom neeg, ua tub txib rau lawv thiab ua kom Yes Xus kev nyiam kev hlub uas lawv qhov chaw paub thiab tau kov.” Nws txhib cov tub tshaj Ntuj Lus Online tias ; lawv tsis yog ua tus sau cov ntsiab lus xwb, tab sis lawv yog pov thawj ntawm cov tshaj lub Moo Zoo uas muaj kev lees paub lees txais txog kev ncaj ncees thiab. “Txhua lub npe xov xwm, duab, xyam, tso tawm thiab cov zaj puav leej yog los ntawm kev txiav txim siab xaiv.” Nws hais thiab txhib kom cov tub xov xwm xav tias leej twg lub suab uas tau txais kev hais txog ntau zaus, thiab leej twg lub suab uas tseem tsis tau muaj neeg hnov txog. Nws thov kom txhob cia kev nias, kev nyiam thiab cov neeg raws qab los hloov qhov tseeb. Tshwj xeeb tshaj yog nyob hauv tej ntaub ntawv tsis meej tseeb thiab tej ntaub ntawv cuav uas yog siv AI los tsim tawm. Yuav tsum soj ntsuam tej ntaub ntawv ua ntej yuav tso tawm, mloog ua ntej txiav txim siab, ua kev nkag siab ua ntej yuav mem cov ntsiab lus thiab saib cov ntsiab lus ua ntej yuav raug thuam.” Tswv Qhia thov kom cov tshaj lub Moo Zoo nyob hauv Online muab siab rau mloog cov neeg pluag txom nyem, cov tsiv teb tsaws chaw, cov haiv neeg, cov tub ntxhais hluas thiab tshwj xeeb tshaj rau cov neeg pluag txom nyem lwm yam. Nws hais tias : “Ua ntej peb yuav hais txog tib neeg, thov mloog tib neeg ua ntej.” Dhau no lawm nws tseem thov kom cov ua hauj lwm fab kev xa xov ua cov tuam choj nyob As Xias, hauv kev hais qhov tseem uas tsis muaj kev sib ntxub, kev thuam tsis ncaj ncees uas tsis kam txo tib neeg qhov muaj nqis, thiab kev xyav moo uas tsis rhuav tshem neeg lub meej mom. Nws thov kom lawv txhua tus ua lub suab tshaj lub Moo Zoo rau As Xias, ua lub suab uas mloog As Xias thiab ua lub suab hauv kev cia rau As Xias. Qhov kawg Tswv Qhia Garcera hais tias : “Kev tshaj lub Moo Zoo nyob Online ntawm cov Kav Tos Liv ntawd, tsis yog kev xa tej ntaub ntawv xwb. Tab sis nws yog kev ua pov thawj txog qhov tseeb thiab txog Yes Xus.
