Tus thawj coj RVA pom tias AI yog qhov paj tshab ntawm lub Koom Txoos kev sib xa xov

Hais txog Txiv Plig John Mi Shen, uas nws yog tus thawj coj ntawm Radio Veritas Asia (RVA), mas tsis ntev tag los no nws tau hais rau Sunday Examiner tias : “AI tuaj yeem siv tau txiaj ntsim qab hau hauv kev tshaj ntuj lus, ib yam li lwm txoj kev sib xa sov thiab.” Tsis ntev los no, nws raug xaiv ua tus lwm thawj tswj fab kev sib xa xov rau ib zeej tsoom neeg ntawm Federation of Asian Bishop’s Conferences (FABC). Nws hais tias AI yog qhov koob hmoov ntawm ntau xeem lus xws li RVA. Vim AI raug muab los siv nyob hauv ntau txoj kev, xws li kev txhais, kev txiav suab, kev khaws cia thiab kev tsim cov ntsiab lus. Tab sis AI tsuas yog ib yam twj siv xwb, lub plawv hauv kev sib xa xov tiag tseem yog nyob hauv leej tib neeg, kev sib raug zoo ntawm tib neeg, kev txiav txim siab thiab kev xav uas nws tuaj yeem ua tau hauj lwm.

Nws hais tias tsim nyog yuav xyuam xim hais txog kev siv AI, kev vam txog AI ntau tej zaum yuav ua rau lub Koom Txoos lub suab ntsiag tau. Nyob RVA, peb lub hom phiaj yog ua kom paub tseeb tias AI txoj hauj lwm yog kev ua hauj lwm, tsis yog ua lwm yam. Nws hais rau Sunday Eximiner tias : “Lub Koom Txoos xav tau cov tub xa xov uas muaj kev paub txog Technology thiab kev ntseeg.”