Vaj Qhia hais nyob hauv tsab ntawv Angelus : yog tsis muaj kev zam txim txhaum, peb yuav nyob kaj siab lug tsis tau.

Vaj Qhia hais tias : “Yog tsis muaj kev zam txim, kev tsis sib haum xeeb, kev iab hiam, kev cib nyeej thiab kev pauj kua zaub ntsuab yuav rhuav tshem kev sib raug zoo, ua kom tsev neeg sib tawg thiab ua kom muaj tsov rog tau. Vaj Qhia piav tias ; tus zauv 7 nyob hauv Ntawv Ntshiab yog lub Cim zoo heev. Txhais tias cov neeg ntseeg yuav tsum zam txim txhaum, yog zam tas txhua yam tsis muaj qhov txwv. Nws hais tias ; kev zam txim txhaum yog thawj lub Cim ntawm kev ua neeg ntseeg.” Ua kom pom txog Yes Xus cov lus hauv zaj hais txog tus tub txib tshuav luag nuj nqis thiab nws tsis kam khuv leej luag tej. Vaj Qhia Leo hais tias : “Kev pub thiab kev zam txim txhaum yog tus cag hauv peb kev ua lub neej.” Nws hais tias : “Txhua tsav txhua yam puav leej yog los ntawm Tswv Ntuj txoj kev nyiam kev hlub dawb huv. Ua kom kev pub tsis yuav pauj rov qab yog txoj cai zoo tshaj hauv peb kev ua lub neej nyob ua ke.” Vaj Qhia tseem nco txog qhov uas Pob Zeb tsis kam lees Yes Xus thaum nws raug tsim txom. Thaum Yes Xus sawv rov los nws nug Pob Zeb tias : “Koj puas nyiam kuv ?” Thiab nws hais kom Pob Zeb raws nws. Yes Xus tsis tau thuam nws txog qhov tsis lees paub Yes Xus. Vaj Qhia Leo 14 hais tias : “Zoo nkaus li tsis muaj dab tsi tshwm sim.” Nws hais txog Yes Xus kev nyiam kev hlub uas zam txim txhaum tias yog lub zog ‘zam txim thiab kho.’ Txhawb kom Pob Zeb rov los ua nws cov hauj lwm dua. Vaj Qhia xaus nws cov lus uas yog thov kom Niam Mab Liab, Leej Niam ntawm kev khuv leej, pab cov neeg ntseeg kom txawj sib zam txim txhaum, tab txawm thawj kauj ruam yog qhov nyuab kuj xij. Thiab tshaj kev nyiam kev hlub hauv kev kho, uas yeej kev ntxub ntxaug thiab kev chim siab.