Tswv Qhia Tagle’s cov lus nthuav ntawv Moo Zoo, hauv lub thaj txi Ntuj kaw rooj sab laj txog lub Cim Yug nyob As Mes Lis Kas teb xyoo 2024.
(Cardinal Tagle’s homily at the closing Mass of the 2024 U.S. National Eucharistic Congress)
Cov kwv tij zoo nyiam sawv daws ! Kuv thov ua Tswv Ntuj tsaug ! Leej Txiv, Leej Tub thiab Leej Ntuj Plig Ntshiab tus uas yog kev nyiam kev hlub. Nws tau sau peb los ua ib yim neeg ntseeg nyob hauv lub thaj txi Ntuj kaw rooj sab laj hais txog lub Cim Yug hauv lub teb chaws zaum no.
Kuv thov muab Vaj Qhia Fas Ntshis Kus uas yog Leej Txiv cov lus foom hmoov zoo los foom rau nej sawv daws. Vaj Qhia thov kom lub rooj sab laj tau txais koob hmoov, los pab txhim kho lub Koom Txoos thiab cov neeg ntseeg nyob hauv As Mes Lis Kas teb.
Ua ntej yuav tuaj ntawm no, kuv nug Vaj Qhia tias nws puas muaj lus dab tsi hais rau nej ? Vaj Qhia hais tias : “Kev hloov siab txais lub Cim Yug.” Dhau ntawd, nws tig los ntsia kuv thiab hais tias : “Thov coj kom zoo.” Vim lub rooj sab laj hais txog lub Cim Yug, yuav muaj kev xa cov tub tshaj Ntuj Lus raws lub Cim Yug qab.
Li ntawd, kuv thiaj thov hais ib lo lus no rau sawv daws xav nyob hauv kev hloov siab txais lub Cim Yug thiab kev hloov siab ua tub tshaj Ntuj Lus.
Thawj yam hauv lub ntsiab lus ntawm lub rooj sab laj, yog hais txog lub Cim Yug hauv peb lub teb chaws, yog nyob hauv Zam ntawv Moo Zoo zaj 6. Thaum txog lub caij Leej Txiv tau xa nws cov lus nyob mus ib txhis uas yog cev nqaij daim tawv los ntawm Leej Ntuj Plig Ntshiab. Nws nyob nruab nrab hauv peb xws li neeg lub cev nqaij daim tawv. Txhwj xeeb hauv kev txhaum. Leej Tub uas Leej Txiv xa nws tuaj, yog paj tshab pub txoj sia.
Yog paj tshab nyob hauv Yes Xus cev nqaij daim tawv, “Kuv lub cev nqaij daim tawv, yog lub ntiaj teb tug.” Yes Xus ceeb toom txog nws tus kheej. Tsim nyog peb yuav paub txog Yes Xus cov lus uas Leej Txiv xa nws tuaj, nws lub cev nqaij daim tawv yog paj tshab rau lwm tus. Vim kev xa tuaj thiab yog paj tshab.
Nyob hauv Zam ntawv Moo Zoo zaj 6 qib 38. Yes Xus hais tias : “Vim kuv nqes saum ntuj los, tsis yog los ua ywj kuv siab, yog los ua raws li tus xa kuv tuaj lub siab.”
Yes Xus nco ntsoov tias nws raug xa tuaj ua Leej Txiv cov hauj lwm. Yes Xus hais rau lawv tias : “Kuv hais tseeb rau nej : tsis yog Mais Xes pub cov mov saum ntuj tuaj rau nej, yog kuv txiv pub rau nej.” Tab sis cov ncuav mov yog dab tsi ? Nyob hauv qib 35 hais tias : “Kuv yog cov mov muaj txoj sia, tus tuaj cuag kuv nws yuav tsis tshaib.”
Yes Xus raug Leej Txiv xa tuaj ua paj tshab rau lwm tus, Yes Xus tsis yog raug xa tuaj ncig ua si thiab qhuas nws xwb. Nws raug xa tuaj kom lwm tus tau txais paj tshab. Kev tshaj Ntuj Lus tsis yog hais txog kev ua hauj lwm xwb, nws yog hais txog tus kheej thiab. Yes Xus ua nws cov hauj lwm tiav, yog muab nws tus kheej cev rau ntuj. Nws cev nqaij daim tawv thiab kev nyob hauv lwm tus raws li Leej Txiv lub hom phiaj. Yes Xus nyob hauv lub Cim Yug thiab cov hauj lwm uas nws ua tiav.
Nov yog kuv lub cev nqaij thiab cov ntshav uas yuav muab rau koj thiab rau tas ib zeej tsoom neeg. Lub Cim Yug yog lub sij hawm uas peb tau pom qhov paj tshab uas yog Yes Xus cov hauj lwm.
Ib tsoom phooj ywg zoo nyiam ! Kuv xav tias kev kub siab lug tshaj Ntuj Lus ploj mus los yog tsawg dua qub, yog vim kev zoo siab ntawm cov paj tshab muaj tsawg. Peb tsuas saib tus kheej, tib neeg, toob xib, peb cov hauj lwm, zej zog thiab cov xwm txheej niaj hnub xwb. Puas tau tsim tus ciaj ciam ntawm paj tshab los yog tus ciaj ciam tab tom ploj mus. Yog peb tus ciaj ciam tsuas muaj qhov ua kom tiav thiab tau nyiaj ntau, kuj tsis muaj qhov chaw seem rau peb pom thiab txais cov paj tshab tsis muaj nqis. Tsis muaj chaw seem rau kev ua zoo thiab pub rau tus kheej. Kev muab siab rau tshawb nrhiav tus kheej tsis so, yog kev caij tsuj thiab qaug zog. Yog peb saib lub ntiaj teb mus rau qhov phem, peb yuav pom kev tsaus ntuj, kev piam sij, teeb meem thiab yam uas peb yws yws. Peb tsis pom qhov paj tshab ntawm neeg thiab tej xwm txheej. Tus ntsia tsis pom nws qhov paj tshab thiab lwm tus qhov paj tshab, nws yuav tsis tau txais paj tshab. Kuv hnov tias muaj qee leej cuam tshuam txog yam uas hu ua phooj ywg los tej yam tsim los ntawm lub tswv yim, vim lawv tsis pom qhov paj tshab hauv tus neeg muaj cev nqaij daim tawv tiag tiag. Kuv xav paub tias nyob ntawm no puas muaj cov sib yuav ua niam txiv ?
Cov niam txiv nej rov ntsia pom dab tsi nyob hauv nej ? Yog paj tshab los yog teeb meem ? Tsis muaj lo lus teb meej pem.
Li ntawd, tsis txawv uas tsis muaj dab tsi nyob hauv cov niam txiv. Yog koj tsis pom lawv ua paj tshab, nej puas muaj me nyuam nyob ntawm no ? Kuv xav tias peb sawv daws puav leej yog me nyuam thiab koj puas pom dab tsi nyob hauv koj niam koj txiv ? Koj pom paj tshab los yog daim ATM ? Koj niam koj txiv ntsia pom dab tsi nyob hauv koj ? Paj tshab los yog lug luag hauj lwm ? Cov Txiv Plig thiab cov thawj coj, nej pom dab tsi nyob hauv nej tus Tswv Qhia ? Cov poj niam thiab txiv neej uas nej yog neeg ntseeg, nej pom dab tsi nyob hauv nej tus thawj coj ? Koj pom dab tsi nyob hauv koj tus Txiv Plig thiab koj tus xib hwb ? Lawv yuav hais tias nws yog teeb meem. Hais txog paj tshab, koj pom dab tsi nyob hauv cov neeg pluag, cov neeg tsis muaj vaj tse thiab cov neeg muaj mob ? Koj pom dab tsi txawv nyob hauv tus neeg uas txawv koj ?
Xws li Yes Xus kom peb rov sib pub paj tshab. Mus tsev teev Ntuj, mus teev Ntuj nrog qhov paj tshab ntawm koj cev nqaij daim tawv. Vim li cas peb thiaj tsis kam muab qhov paj tshab ntawm lub cev nqaij daim tawv cev rau Yes Xus thiab cov neeg ntseeg tau ?
Yam ob, Yes Xus yog paj tshab los yog teeb meem ? Yes Xus hais rau cov mloog nws nyob hauv Zam ntawv Moo Zoo zaj 6 tias : kev lees txais Yes Xus yog hais txog kev ntseeg txog Yes Xus. Yog kev noj Yes Xus lub cev thiab haus nws cov ntshav. Cov Thwj Tim uas muab siab rau mloog Yes Xus thaum chiv thawj lawv pib ua xyem xyav.
Lawv hais tias : “Cov lus no tawv dhau, leej twg yuav mloog tau.” Lawv tseem muaj tej lo lus nug tias Yes Xus puas yog Tswv Ntuj xa tuaj ? Vim lawv paub Yes Xus yog Mab Liab thiab Yos Xes tus tub xwb. Vim li ntawd, Yes Xus cov Thwj Tim coob leej thiaj tso nws tseg. Txhais tias lawv rov mus ua lub neej zoo li qub thiab tsis raws Yes Xus ntxiv. Lawv mus ua lub neej tsis muaj Yes Xus, lawv xaiv tsis nrog Yes Xus nyob. Tiag tiag mas lawv lub neej tsim nyog yuav nrog Yes Xus nyob, tab sis lawv xaiv nyob twm zeej. Qhov lawv tsis lees txais qhov paj tshab hauv ntawv Moo Zoo uas yog Yes Xus lub cev thiab cov ntshav, txhais tias lawv yuav tsis nrog Yes Xus mus ua ke. Yes Xus kuj tsis tuaj yeem xa lawv mus tshaj Ntuj Lus ib yam.
Kuv thov caw cov kwv tij zoo nyiam txhua leej tswm seeb ib pliag, thiab nug lo lus mob siab hais txog cov Thwj Tim tsis lees txais Yes Xus. Peb puas yuav ua tau Yes Xus cov thwj tim thiab koom nrog lwm tus tso tau Yes Xus pov tseg thiab ?
Vim li cas qee leej thiaj tso Yes Xus tseg lub caij Yes Xus tab tom pub qhov paj tshab muaj nqis tshaj ntawm txoj sia nyob mus li ? Vim li cas cov ntseeg Baptis qee leej thiaj tso qhov paj tshab uas Yes Xus pub nyob hauv lub Cim Yug ?
Kev kawm ntawv Moo Zoo, kev ntseeg thiab peb tej kab ke puas ua kom Yes Xus cov paj tshab ci ntsa tawm tuaj ? Kev tsuj xeeb lub Cim Yug ntawm peb, puas ua kom pom txog qhov Yes Xus tawm tuaj tsis tseeb ? Cov tuaj koom lub thaj txi Ntuj puas ua kom pom txog qhov Yes Xus tawm tuaj nyob hauv kev ua tim khawv txog lub neej, kev pab luag tej thiab lawv cov hauj lwm ? Cov neeg ntseeg hauv peb lub tsev teev Ntuj puas tau ua kev paub txog kev nyob ze thiab kev saib xyuas ntawm Yes Xus ? Peb tsev neeg puas tseem ua xib hwb thiab ua tus ntaus thawj hauv kev ntseeg ? Cov tub ntxhais hlaus puas tau hnov thiab zoo siab hais txog kev nrhiav Yes Xus nyob hauv lawv ? Cov kab lis kev cai zoo li cas cuam tshuam kev ntseeg ntawm Yes Xus cov lus thiab kev pub rau tus kheej ? Tam sim no kuv thov hloov txoj kev xav no me me. Tej zaum muaj qee leej uas lawv xav nyob nrog Tswv Ntuj, tab sis lawv ua xyem xyav xws li ; cov neeg pluag, cov neeg tsis muaj vaj tse, cov khiav tshais chaw, cov thoj nam, cov neeg nyob txawm, cov lag ntseg, cov neeg laus thiab lwm cov neeg. Lawv xav tias lawv tsis yog ib feem ntawm Yes Xus, tab sis peb tsis txhob qaug zog.
Yes Xus tsis qaug zog uas yuav tuaj nrhiav peb nrog nws cov paj tshab. Tab txawm nws raug mob kuj xij, qhov no coj peb mus rau qhov tim peb thiab qhov kawg uas koj yuav muaj kev sov siab. Tom qab ib co Thwj Tim rov qab mus tsev, Yes Xus nug nws 12 tug Thwj Tim tias : “Nej ne, nej puas xav mus thiab ?”
Xis Moos Pob Zeb teb tias : “Huab Tais, peb yuav mus nrog leej twg ?
Koj muaj cov lus pub txoj sia nyob mus li. Peb ntseeg thiab peb paub tias koj yog Tswv Ntuj tus Ntshiab.” Yes Xus kuj tab tom nug peb ib tug zuj zus tias :
“Koj puas xav mus xws li lwm tus thiab ?”
Kuv vam tias peb yuav teb zoo li Pob Zeb lo lus tias : “Huab Tais, peb yuav nrog koj nyob. Peb yuav tsis lees txog qhov nyob nrug deb ntawm koj qhov chaw.” Tab sis txhob cia cov lus no ua ib co lus dhau mus yam tsis muaj dab tsi xws li Pob Zeb. Tsim nyog peb yuav ntseeg ruaj khov. Yes Xus tsis tau quab yuam leej twg. Nws thov kev twj lij hauv peb, kev ntseeg thiab kev cia siab ua peb qhov paj tshab cev rau Yes Xus, tus muab nws tus kheej pub rau peb. Li ntawd, kuv thov nug nej tias : “Nej puas nyob nrog Yes Xus ntxiv mus ?” Tus xaiv nrog Yes Xus nyob, nws yuav raug xa los ntawm Yes Xus. Cov paj tshab ntawm Yes Xus kev nyob thiab kev hlub uas pub rau peb, yog qhov paj tshab uas peb yuav pub rau lwm tus. Peb tsis tsim nyog khaws Yes Xus cia rau peb tus kheej, vim qhov ntawd tsis yog kev ua Yes Xus Thwj Tim. Nws yog kev saib tus kheej loj dua. Cov paj tshab uas peb tau txais, tsim nyog peb yuav cia ua paj tshab. Koj puas tau pom Yes Xus txoj kev khuv leej mos nyoos nyob hauv cov Thwj Tim uas qaug zog ? Kom lawv so thiab noj mov raws li piav nyob hauv zaj ntawv Moo Zoo hnub no. Tawm mus faib Yes Xus txoj kev hlub mos nyoos rau cov qaug zog, cov tshaib nqhis thiab cov raug kev tsim txom.
Koj puas tau pom Yes Xus kev khuv leej thiab kev coj ke thaum koj zoo li tus me nyuam yaj uas tsis muaj tsw ? Tawm mus faib tus tswv zov yaj txoj kev hlub rau cov yuam kev, cov siab fab thiab cov tsis muaj zog. Koj puas tau kov Yes Xus lub siab uas muaj qhov txhab sau cov sib tawg los ua ke. Raws li Leej Ntshiab Paj Lug hais nyob hauv nws tsab ntawv uas sau mus rau cov neeg nyob Es Fes Xos ? Tawm mus faib Yes Xus kev rov sib haum xeeb thiab kev thaj yeeb rau cov sib tawg.
Tsab ntawv uas sau rau kuv, Vaj Qhia Fas Ntshis Kus hais txog kev cia siab thiab kuv thov muab los hais “Cov tuaj sib koom sab laj paub txog ntiaj teb cov txiaj ntsim uas tau txais los ntawm tej zaub mov saum ntuj Ceeb Tsheej, tuaj yeem qhia tau rau lwm tus.” Lawv paub zoo txog cov paj tshab uas lawv tau txais los ntawm cov zaub mov saum ntuj Ceeb Tsheej, ces lawv faib rau lwm tus tau. Li ntawd, cov neeg txais lub Cim Yug thiaj yog cov tub tshaj Ntuj Lus thiab yog cov tshaj lub Moo Zoo.
Kuv thov xaus lub rooj sab laj nyob hauv kev sib faib thiab kev paub. Thaum kuv ua Txiv Plig nyob hauv tsev teev Ntuj, kuv pom ib tug poj niam muab nws tus kheej ua hauj lwm rau lub tsev teev Ntuj zoo kawg. Hnub Chiv nws tuaj ntxov kom tau pab lub thaj txi Ntuj thiab ua lwm yam hauj lwm. Nws rov mus tsev tom qab nws cheb lub tsev teev Ntuj tas thiab kaw qhov rooj. Muaj ib hnub, kuv ua nws tsaug qhov nws tau muab tus kheej los ua hauj lwm thiab kuv kuj ua nws tsev neeg tsaug uas lawv kheev nws tuaj ua hauj lwm hauv tsev teev Ntuj.
Nws lo lus teb ua rau kuv poob siab nthav, nws hais tias :
“Txiv ! Txhob ntxhov siab txog kuv tsev neeg. Kuv nyob hauv cov neeg ntseeg thiab kuv koom thaj txi Ntuj txhua zaus, vim kuv tsis xav ntsib kuv tus txiv thiab kuv cov me nyuam.” Kuv xav kom txhua hnub yog Hnub Chiv, kom kuv tau txav deb kuv tsev neeg, kuv tej phooj ywg. Thaum Txiv Plig los tus coj lub Txoos hais tias :
“Lub thaj txi Ntuj xaus lawm, nej rov mus Tswv Ntuj ua nej siab kaj lug.”
Kav tsij mus ! mus tsev ! Txhob siv sij hawm tas hnub los nrog Txiv Plig haus kob swm tshuaj los yog kas fes. Kav tsij mus tsev ! Dab tsi uas koj tau hnov, tau pom thiab tau saj, koj yuav coj mus faib rau lwm tus.
Peb tau txais Yes Xus cov txiaj ntsim lawm, thov peb muab siab rau mus tshaj Yes Xus nrog kev zoo siab rau ntiaj teb neeg
