ZAJ NYEEM HNUB TIM 1 LUB 1 HLIS 2026
HNUB HWM MAB LIAB UA TSWV NTUJ LEEJ NIAM
COV LUS NYOB HAUV LUS KAS NTAWV MOO ZOO (LK 2: 16-21)
Kwv tij sawv daws, lub sij hawm ntawd muaj tsawg leej neeg thiaj paub txog Huab Tais Yes Xus Tswv Ntuj Leej Tub yug los, uas yog qhov khoom plig, uas muaj nuj nqis tshaj plaws uas Tswv Ntuj pub rau neeg ntiaj teb sawv daws. Nyob rau hauv ntawv Moo Zoo hnub no, peb tsuas hnov piav txog cov tub zov yaj uas yog thawj pab neeg tau pom Yes Xus yug los. Lawv tau chaws los hawm tus me nyuam mos, uas yog Tswv Ntuj Leej Tub, ua rau peb tau pom tias, Tswv Ntuj tau tuaj xyuas neeg ntiaj teb tiag, nws tsis xyeej neeg, nws pub kom cov neeg me, neeg qis qis uas luag saib tsis muaj nuj nqis tau xub hnov Tswv Ntuj lub Moo Zoo ua ntej, thiab tau ntsib qhov khoom plig uas Tswv Ntuj xa tuaj rau ntiaj teb neeg sawv daws, kom sawv daws tau txais kev zoo siab hom khaj.
