ZAJ NYEEM HNUB TIM 10 LUB 12 HLIS 2025
HNUB NCO TXOG NIAM MAB LIAB NYOB LOS LES TOS
COV LUS NYOB HAUV MAS TAIS NTAWV MOO ZOO (MT 11: 28-30)
Nyob rau hauv lub caij Tos Huab Tais no, yog lub caij uas peb muaj kev cia siab thiab tso siab rau Huab Tais Tswv Ntuj. Tus Yaj Saub His Xais hais tias, tus uas muaj kev cia siab rau Tswv Ntuj mas nws muaj ib lub zog tshiab, nws yuav nthuav tis ya zoo li tus dav. Nws ua dab tsi los nws yuav muaj zog, nws tsis qaug zog, vim muaj Huab Tais Ntuj nrog yus nyob rau hauv yus lub neej.
Huab Tais Yes Xus hais tias “Tas nej sawv daws uas nej khwv thiab ris nra hnyav, nej tuaj cuag kuv mog! Kuv yuav cia nej so los siav.”
Yog qhov tias peb yuav tsum coj peb tus kheej los nrhiav Huab Tais Yes Xus, uas yog tus Huab Tais siab zoo thiab hlub neeg, ces peb los qhib peb lub siab nrog nws sib tham, peb tso peb tej kev nyuaj siab rau nws nrog peb daws, ces nws yuav ua kom peb tau ntsib kev kaj siab lug. Peb lub siab rov nyob thaj yeeb.
