Zaj nyeem hnub tim 11 lub 2 hlis 2026
Niam Mab Liab yees tawm nyob Lus Daws
Cov lus nyob hauv Mas Kos Ntawv Moo Zoo (MK 7: 14-23)
Kwv tij sawv daws, ib puas kev phem kev tsis zoo yog tawm hauv neeg lub siab los, thiab ua rau neeg muaj txhaum. Kev txhaum yog xub pib ntawm tej yam me me hauv neeg lub siab ua ntej los, yam li neeg tej kev ntshaw, xav paub xav pom, xav hnov xav tau, thaum yus tswj tsis tau yus lub siab, ces yus thiaj ua ywj yus lub siab, yus tsis nco xav tias, qhov ntawd puas yog los tsis yog, puas zoo los tsis zoo, puas tsim nyog los tsis tsim nyog, ces qhov kawg tej kev txhaum thiaj tshwm tuaj nyob rau hauv yus lub siab, thiab ua rau yus poob rau hauv kev txoj kev txhaum ntawd. Yam li kev ntshaw luag tug, coj yus mus ua tub sab tub nyiag, txeeb luag tug los ua yus tug, kev tua neeg, ib puas tsav yam kev txhaum xub pib los ntawm neeg txoj kev ntshaw. Li ntawd, hnub no, peb thov Tswv Ntuj pab peb, kom peb txawj tswj peb lub siab, kom peb txawj xaiv qhov zoo ua, peb thiaj tsis yuav kev rau txoj kev txhaum.
