ZAJ NYEEM HNUB TIM 13 LUB 9 HLI 2025
HNUB NCO TXOG LEEJ NTSHIAB ZAM NCAUJ KUB
COV LUS NYOB HAUV LUS KAS NTAWV MOO ZOO (LK 6: 43-49)
Kwv tij sawv daws, nyob rau hauv zaj no Huab Tais Yes Xus qhia tias, Tswv Ntuj lo lus yog qhov ruaj khov nyob rau hauv peb lub neej, yog peb muaj Tswv Ntuj cov lus qhia cog ruaj thiab nrhau cag nyob rau hauv peb lub siab lawm, peb ua dab tsi los peb yuav ua tau, thiab peb yuav tsis ntshai, peb yuav tsis muaj hnub qoj hnub qaug, yog peb hais tias, peb yog ib tug neeg ntseeg Ntuj zoo, peb yuav tsum mloog Huab Tais Yes Xus cov lus qhia, thiab coj mus ua nyob rau hauv peb kev ua neej, peb yuav ua raws li Tswv Ntuj cov lus qhia, vim Tswv Ntuj Lo Lus yog cov lus pub txoj sia, nyob rau hauv Lus Kas ntawv Moo Zoo hais meej tias Tswv Ntuj Lo Lus yog zoo li cov noob zoo, uas yog leej twg coj mus cog cia rau hauv nws nruab siab lawm, yuav txi txiv zoo.
Yog peb niaj hnub mloog Tswv Ntuj lub Moo Zoo, thiab peb ua raws li Huab Tais Yes Xus qhia, mas peb yuav ua tau ib co hauj lwm zoo.
Peb ruaj khov, thiab peb muaj chaw vam khom, ces txawm yuav ntsib xwm txheej dab tsi, tsis kav, peb yuav hla mus dhau.
Nyob zoo sawv daws.
