Zaj nyeem hnub tim 27 lub 1 hlis 2026
Hnub nco txog Leej Ntshiab As Ntses Las
Cov lus nyob hauv Mas Kos Ntawv Moo Zoo (MK 3: 31-35)
Kwv tij sawv daws, kev ua Yes Xus thwj tim peb yuav tsum kawm kom paub thiab txawj mloog. Kom peb to taub txog Tswv Ntuj txoj kev xav thiab nws lub siab nyiam, ces peb thiaj coj tau raws li qhov Tswv Ntuj xav kom peb ua. Zoo yam li niam Mab Liab uas nws tau ua ib tug qauv los yog ib tug piv txwv rau peb ntsia. Txawm tias muaj ntau zaus nws tsis to taub txog Tswv Ntuj txoj hauj lwm, tiam sis, nws maj mam siv sij hawm coj los ua tib zoo xav qhov yog thiaj yog qhov ntxim Tswv Ntuj siab dua.
Nyob rau hauv txoj kev ntseeg, yog peb txawj mloog, txawj tso siab rau Tswv Ntuj thiab tsis muab hlob, peb txawj ua qhov xis Tswv Ntujsiab, ces peb thiaj yog Huab Tais Yes Xus cov kwv cov muam.
Nyob zoo sawv daws.
