ZAJ NYEEM HNUB TIM 27 LUB 12 HLIS 2025
HNUB UA HMOOV LEEJ NTSHIAB ZAM TUS SAU NTAWV MOO ZOO
COV LUS NYOB HAUV ZAM NTAWV MOO ZOO (Z 20: 1-8)
Kwv tij sawv daws, Leej Ntshiab zam yog Yes Xus ib tub thwj tim uas Yes Xus hlub tshaj plaws, nyob rau hauv 12 leeg thwj tim. Zam yog ib tug, uas muaj lub siab ntseeg loj kawg txog Huab Tais Yes Xus Pleev, mus txog ntua hnub nws txoj sia tu nrho. Nws yog tus nyob rawv rau ntawm tus ncej ntoo cuam, lub caij Yes Xus txoj sia tu.
Tom qab Yes Xus mus saum Ntuj lawm, Zam siv tas nrho nws txoj sia los ua tim khawv txog txoj kev ntseeg thiab nws yog ib tug uas sau phau ntawv Moo Zoo nyob rau hauv 4 phau ntawv.
Tas nrho lawv 12 leeg thwj tim, tshuav Zam tib leeg thiaj tsis raug tua dai saum ntoo cuam, ces nws thiaj muaj txoj sia nyob txog hnub uas nws puv ib 120 xyoo. Tom qab pab 12 leeg thwj tim raug tua tuag tas, mas lub Koom Txoos raug tsim txoj loj kawg, zam tau coj pawg ntseeg khiav mus nkaum hauv lub pov txwv Pas Mos, ces nws thiaj tau tas sim neej nyob rau thaj chaw ntawd thaum nws muaj hnub nyoog li 94 xyoos.
Zam yog ib tug ua tim khawv txog txoj kev hlub, nws yog tus muaj lub siab hlub, thiab nws siv tas nrho nws lub neej txoj sia los qhia txog Tswv Ntuj txoj kev nyiam kev hlub rau tsoom ntseeg sawv daws. Ua ntej nws txoj sia yuav tu nws tau hais lo lus kawg rau nws cov thwj tim thiab tsoom ntseeg tias : “Nej yuav sib nyiam sib hlub mog.” Muaj qees tus thwj tim nug tias, ua cas Zam tsuas hais txog tib qhov kom sawv daws sib nyiam sib hlub xwb, tsis hais lwm yam ntxiv. Zam thiaj tau teb tias : qhov ntawd, yog Huab Tais lo lus txib kom tsoom ntseeg sib hlub, yog nej ua tau li ntawd xwb ces yeej txaus lawm.
