Zaj nyeem hnub tim 27 lub 3 hlis 2026
Hnub Rau, Lis Piam 5 caij Plaub Caug
Cov lus nyob hauv Zam Ntawv Moo Zoo (Z 10: 31-42)
Kwv tij sawv daws, qhov uas ua rau Huab Tais Yes Xus cov lus tsis haum nrog cov Yus Das, yog qhov Huab Tais Yes Xus hais tias : Huab Tais Tswv Ntuj nyiam thiab hlub neeg, nws txais neeg los ua nws cov me nyuam nyob rau hauv nws lub tsev.
Cov Yus Das txais tsis tau lo lus no, lawv hais tias, cov lus Huab Tais Yes Xus hais no yog nws tsa nws siab li Tswv Ntuj, yam li nws yog Tswv Ntuj nkiag. Tab sis, Huab Tais Yes Xus kuj tseem hais meej txog Tswv Ntuj txoj kev hlub, uas nws nyiam thiab hlub neeg, txawm tias Huab Tais Yes Xus cov lus no ua rau Huab Tais poob rau hauv txoj kev tuag, tsis kav nws yeej tsis thim nws lo lus.
Peb ua Huab Tais Yes Xus tsaug, uas nws qhia txog Tswv Ntuj rau peb paub, thiab nws hlub peb tiag tiag, txog qhov nws tuaj yeem muab nws txoj sia los ua nqe txhiv peb ntawm peb cov txhaum.
Nyob zoo sawv daws
