Zaj nyeem hnub tim 30 lub 5 hlis 2026
Hnub Xya, Lis Piam 8 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 11: 27-33)
Kwv tij sawv daws, cov Kws Ntawv Ntshiab tau nrog Huab Tais Yes Xus sib tham, thiab lawv nug ntau yam txog Huab Tais Yes Xus. lawv xav paub tias Huab Tais Yes Xus tau lub hwj chim qhov twg los, tiam sis, qhov kawg Huab Tais kuj tsis qhia rau lawv, vim Huab Tais paub zoo tias, tab txawm Huab Tais qhia qhov tseeb, los lawv yeej tsis ntseeg, vim lawv lub siab txhav dhau qhov yuav txais tau Tswv Ntuj cov lus, lawv tsis qhib siab tiag. Lawv xav nrhiav kev hiam Yes Xus xwb, lawv xav nog tej lub txim rau Haub Tais Yes Xus, lawv lam sim Yes Xus, lawv tos kom Yes Xus hais tej lo lus tsis haum lawv txoj cai, ces lawv yuav ntes Yes Xus coj mus kom saum nom tswv xwb. Nyem no, peb sim tig los ntsia peb tus kheej saib, niaj hnub no, peb puas muaj lub siab ntseeg Ntuj tiag tiag, los yog peb lam ntseeg ntawm lub ncauj xwb, vim nyob rau ntawm cov neeg siab txhav, mas lawv ntseeg nyuaj, txawm koj yuav hais cuaj fab kaum fab los lawv lub siab yuav kaw nti, lawv tsis qhib siab txais ib zaug. Thov kom peb txhob ua li ntawd rau Tswv Ntuj, peb cia li ua neeg me los qhib siab los txais Tswv Ntuj cov lus pub txoj sia no, ces peb thiaj yuav tau txais Huab Tais txoj kev cawm.
Nyob zoo sawv daws.
