Zaj nyeem hnub tim 5 lub 5 hlis 2026
Hnub Peb, Lis Piam 5 caij Hla
Cov lus nyob hauv Zam Ntawv Moo Zoo (Z 14: 27-31)
Kwv tij sawv daws, ua ntej Huab Tais Yes Xus yuav mus saum Ntuj, nws kuj txhawj xeeb txog cov thwj tim thiab tsoom ntseeg sawv daws, vim Huab Tais Yes Xus paub tias, peb yuav raug dab phem haub ntxias, thiab coj peb mus ua txhaum. Tus tsis muaj lub siab ntseeg ruaj tiag, nws yuav qaug rau dab phem dab ntxwg nyoog kev haub ntxias no.
Li ntawd nyob rau hauv zaj no Huab Tais Yes Xus thiaj qhia tseeb rau peb tias, Huab Tais yuav pub kev thaj yeeb rau peb, Huab Tais txoj kev thaj yeeb tsis thooj li ntiaj teb neeg txoj, Huab Tais txoj kev thaj yeeb yog kev nyob kaj lug kaj nrig, nws txoj kev kaj siab. Txawm tias, peb yuav ntsib kev nyuaj kev ntxhov npaum li cas, tsis kav, tom qab peb ntseeg thiab tso siab rau Ntuj, peb yuav nrhiav tau kev kaj siab, thiab txoj kaj lug no, Tswv Ntuj yuav pub rau tus uas muaj lub siab ntseeg tas mus li.
Thov kom peb tso siab rau Ntuj, tso siab rau peb tus Huab Tais Yes Xus Pleev ces peb yuav nrhiav tau txoj kev kaj siab lug.
Nyob zoo.
