ZAJ NYEEM HNUB TIM 8 LUB 11 HLIS 2025
HNUB XYA LIS PIAM 31 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 16: 9-15)
Kwv tij sawv daws, lo tias peb lub tsev yog peb qhov chaw nyob, hos peb lub tsev tiag tiag uas peb yuav tau so los siav mus ib txhis tiag tiag mas yog Tswv Ntuj lub Ceeb Tsheej, uas yog peb qhov chaw cia siab, yog qhov chaw uas yuav yog peb tug tom qab peb tso lub ntiaj teb no tseg lawm.
Li ntawd, Huab Tais lo lus qhia hnub no, yog cia peb xaiv saib peb yuav nyiam Tswv Ntuj dua, los yog peb nyiam nyiaj txiag dua, yog yam uas peb yuav tsum ua tib zoo xav, kom paub meej nyob rau hauv peb kev ua neej, peb yuav txawj xyuam xim kom peb txhob ua lub neej taug raws ntiaj teb neeg txoj kev txhaum, vim ntiaj teb neeg feem coob yog ntshaw nyiaj txiag, nrhiav kev tau zoo noj tau zoo nyob, ces lawv ua txhua yam kom tau tau nyiaj, hos peb tsoom ntseeg mas peb yuav kub siab nrhiav Tswv Ntuj lub Ceeb Tsheej uas yog peb tsev tiag tiag, peb yuav tsis txhob muab nyiaj txiag saib hlob dua Tswv Ntuj. Tseeb tiag nyob rau hauv peb kev ua neej yuav tsum muaj nyiaj siv thiab, tiam sis, peb txhob tso peb tus ntsuj plig poob rau hauv khev nrhiav nyiaj, peb txhob muab nyiaj txiag coj los ua peb tus tswv, vim qhov tseeb txhua yam yog los ntawm Tswv Ntuj los, nws yog tus Tswv Tsim tus Tswv Tso, Huab Tais thiaj yog peb sawv daws tus Tswv tiag, li ntawd, peb yuav tsum muab Huab Tais saib hlob thiab tso ua thawj nyob rau hauv peb lub neej, ces peb thiaj yuav nrhiav tau txoj kev kaj siab tiag tiag.
Nyob zoo sawv daws.
