Cov neeg mob nqaij hlav (Cancer) ntsib kev ruaj khov nyob hauv pab neeg txhawb nqa ntawm lub tsev teev Ntuj nyob Kuala Lumpur.
Cov neeg mob nqaij hlav (Cancer) ntsib kev ruaj khov nyob hauv pab neeg txhawb nqa ntawm lub tsev teev Ntuj nyob Kuala Lumpur.
Hauv chav tsev sau siab ntawm lub tsev teev Ntuj hwm Leej Ntshiab Ignatius, uas nyob hauv lub nroog Petaling Jaya, nyob Mas Les Xias teb. Cov neeg dim ntawm tus kab mob nqaij hlav tuaj sib sau ua kev tas li, kom tau sib faib lawv tej kev paub rau lwm tus neeg. Tab sis muaj tsawg leej xwb thiaj nkag siab txog lub ntsiab tseeb tiag.
Lub tsev teev Ntuj no zwm rau lub Cheeb Koom Txoos Kuala Lumpur. Cov neeg ntseeg li ntawm 40 leej, uas coob leej tab tom mob thiab zoo zuj zus los ntawm tus kab mob nqaij hlav (Cancer). Yog ib feem ntawm cov neeg kheev kheev tuaj sib ntsib ze ntawm 10 xyoo, hauv kev saib xyuas ntawm lub tsev teev Ntuj hwm Leej Ntshiab Ignatius. Nyob hauv pab neeg no cov nkag tuaj koom yuav qhib siab sib tham ywj siab txog qhov tseeb ntawm lawv t
us mob, kev kho mob thiab kev ntseeg.
Cov neeg ntseeg tuaj ntawm txhua lub tsev teev Ntuj nyob hauv lub Cheeb Koom Txoos tuaj, kom tau sib koom sau siab nruab hlis nyob hauv tsev teev Ntuj. Lawv sib tham txog teeb meem ntawm lub cev thiab lub siab hauv tus kab mob nqaij hlav. Txij thaum phais thiab kho mus txog kev siv tshuaj kho tus kab mob. Lub hauv paus ntawm pab neeg txhawb nqa no, yog los ntawm Chiew txoj kev paub thiab tus kab mob nqaij hlav. Nws tau txais kev soj ntsuam tias yog mob nqaij hlav ntawm lub mis hauv xyoo 1994, thiab nws tau mus phais ntau zaus nyob hauv ntau xyoo dhau los nrog rau kev phais zaum loj nyob hauv lub nroog Perth nyob Aus Thas Lias teb. Nyob rau lub sij hawm ntawd, nws tau txais kev nplij siab los ntawm tsev neeg thiab nws cov phooj ywg zoo heev. Tom qab nws zoo lawm, nws paub tias nws tau txais lub zog txhawb siab kom tsim lub Koom Haum txhawb nqa rau lwm tus neeg uas mob nqaij hlav (Cancer).
Thaum nws nyob Aus Thas Lias, nws tau sib tham txog lub tswv yim tshiab no rau Sunny P Abraham, uas yog tus Txiv Plig hauv lub Koom Haum Carmelites, nws saib xyuas lub tsev teev Ntuj hwm Yes Xus. Nws tau txhawb nqa kev tawm tswv yim hauv kev pib cov hauj lwm no. Tom qab nws los rau Mas Les Xias teb hauv xyoo 2015, Chiew tau koom cov hauj lwm hauv lub tsev teev Ntuj hwm Leej Ntshiab Inagtius. Ib xyoos tom qab hauv kev txhawb nqa, Shelagh Nunis tus cev lus nrog lub pwm tsav cov yim neeg thiab kev tso cai ntawm Txiv Plig Adrew Wong uas yog tus Txiv Plig saib xyuas lub tsev teev Ntuj lub caij ntawd, mas cov neeg txhawb nqa cov mob nqaij hlav thiaj raug teeb tsa raws txoj cai.
Pab neeg no yuav tuaj sib ntsib txhua txhua hnub xya tim 2 hauv txhua lub hlis, thiab qee zaus kuj muaj kev sib tham lub ntsiab lus hais txog qhov mob thiab kev saib xyuas cov neeg mob. Tsis ntev los no ib tug Txiv Plig hauv cov Yes Xus Is thiab tus uas zoo los ntawm tus kab mob nqaij hlav Larry Tan, tau nrog cov neeg ntseeg tham hais txog kev daws teeb meem ntawm fab ntsuj plig hauv lub caij muaj mob. Dhau ntawm kev sau siab lawm, cov hauj lwm no tseem txhawb nqa hauv kev ua thiab faib tshuaj Vitamin C, nrog rau cov txiv khawb uas muaj Vitamin C ntau.
Thaum tus cev lus Leonard Lim koom sau siab nruab hlis, kom tau ua kev nkag siab txog kev xav tau ntawm cov neeg mob ntxiv. Chiew tus uas nws tus txiv tuag los ntawm tus kab mob nqaij hlav hauv cov hnyuv xyoo 2017, ntseeg tias cov neeg ntseeg yuav muaj cov hauj lwm hauv kev txhawb nqa cov neeg tab tom mob nqaij hlav loj.
Chiew hais tias : “Tsev teev Ntuj yog qhov chaw neeg ntsib kev nkag siab, kev qhua qhia fab ntsuj plig thiab kev phooj ywg.” Nws tau sau txog nws tej kev paub nyob hauv phau ntawv hu ua My.
