Cov tub ntxhais hluas hnub nyob Xes Us, thov kom cov tub tshaj Ntuj Lus Online nyob As Xias nkag kom txog cov tub ntxhais hluas ntau dua qub.
Stephanie Sun uas yog tus thawj coj fab kev sib xav xov nyob thoob ntiaj teb ntawm cov kav xwm npaj cov tub ntxhais hluas hnub (WYD) nyob Xes Us 2027 hais tias : “Qhov nyuab tsis yog nyob ntawm qhov coj cov tub ntxhais hluas mus txog Xes Us xwb, tab sis yog hais txog qhov tias yuav ua cas kom cov tub ntxhais hluas hnub tau mus txog cov uas tuaj koom tsis tau.”
Cov lus no yog hais nyob hauv lub rooj sau siab cov tub tshaj Ntuj Lus Online nyob As Xias thawj zaug, nyob hauv lub nroog Quezon City hnub tim 12 lub 9 hlis no tias : “Kev ncua deb, kev siv nyiaj thiab lwm yam teeb meem yuav ua rau cov tub ntxhais hluas ntau plhom leej tuaj mus koom lub koob tsheej uas npaj nyob hauv hnub tim 3-8 lub 8 hli xyoo 2027 tsis tau.” Stephanie Sun hais tias : “Lo lus nug tsis yog nyob ntawm qhov tias peb yuav coj cov tub ntxhais hluas mus Kos Lim teb tau coob npaum cas ? Tab sis yog nyob ntawm cov tub ntxhais hluas hnub tej kev paub, puas yuav xa tau mus txog cov neeg nyob ntawd tau li cas ?” Nws thov kom cov tub tshaj Ntuj Lus Online nkag los ua tus coj cov hauj lwm hauv cov tub ntxhais hluas hnub mus rau lwm tus hauv xeem lus, tej kab lis kev cai thiab lawv pawg neeg ntseeg. Tab txwm kev tso tawm hauv Online mus txog tib neeg coob coob tau, tsis kav Sun hais tias qhov no yuav hloov cov tub tshaj Ntuj Lus nyob hauv cheeb tsam chaw tsis tau. Vim lawv yog cov saib xyuas tau thiab nyob ib sab ntawm cov tub ntxhais hluas ntsib kev txom nyem tau. Lawv siv lawv xeem lus los teb tej lus nug tau thiab nkag siab txog qhov tseeb ntawm tsev teev Ntuj thiab cov neeg ntseeg tau. Nws xaus lus tias : “Qhov ntawd yog qhov sib txawv ntawm kev nkag mus txog thiab kev ua pov thawj.”
Lub koob tsheej nyob Xes Us yuav muaj lub ntsiab lus tias : “Nej ua siab loj mog ! Kuv yeej lub qab ntuj neeg lawm.” Zam 16 : 33.
Sun hais tias lub Koom Txoos Kos Lim nkag siab txog lub peev xwm hauv kev nrhiav qhov tseeb, kev xyaum sib nyiam sib hlub thiab kev tsim kev thaj yeeb. Kev thaj yeeb yog qhov tseem ceeb nyob Kos Lim teb uas tseem sib faib tom qab ntsuj tsov rog xyoo 1953 tiaj tus, tab sis kev sib haum xeeb tseem tsis tau tag. Kev sau siab nyob Xes Us xyoo 2027, yuav yog kev sau siab thawj zaug uas npaj nyob hauv cov kab lis kev cai uas kev ntseeg tsis yog lub hauv paus. Thiab yog kev sau siab cov tub ntxhais hluas thoob ntiaj teb zaum ob nyob As Xias teb, tom qab Mas Nis Las ua tswv cuab hauv xyoo 1995. Sun hais txog cov tub tshaj Ntuj Lus Online tej hauj lwm yuav txhab ntxiv. Nws muab thawj lub thaj txi Ntuj uas npaj rau cov neeg muaj hwj chim thiab cov tub tshaj Ntuj Lus Online hauv cov tub ntxhais hluas lub rooj sab laj nyob Lisbon xyoo 2023, thiab kev sab laj txwm 20 xyoo ntawm cov Kav Tos Liv muaj hwj chim nyob Los Mas xyoo 2025 los ua piv txwv.
Hais txog cov tub ntxhais hluas hnub nyob Xes Us xyoo 2027, mas cov tswv cuab yuav npaj ib qho tswj xeeb rau cov tub tshaj Ntuj Lus digital hauv lub lis piam cov tub ntxhais hluas hnub. Xav tias yuav qhib nce npe rau lub 10 hli 2026 no. Sun tseem thov kom cov tub tshaj Ntuj Lus Online nyob As Xias sib pab xa xov rau cov neeg uas lawv muaj kev cia siab, faib cov ntsiab lus hauv zej zog thiab sib pab tsim cov ntsiab lus txuag xeem lus thiab tej kab lis kev cai. Nws hais tias zaj nkauj hu nyob hauv cov tub ntxhais hluas hnub, uas raug tshaj tawm lub 8 hli tau ua kom pom txog txoj hau kev no. Vim cov tub ntxhais hluas tau sib faib thiab npaj rau lawv tus kheej. Ua ke ntawd Ntoo Cuam thiab lub Cim ntawm cov tub ntxhais hluas hnub tau mus thoob As Xias teb thiab Kos Lim Naj txij xyoo 2024 los lawm.
Sun hais tias : “Ntoo Cuam tsis tos kom cov neeg tawm rooj fiv ntuj mus txog Xes Us, tab sis Ntoo Cuam mus nrhiav lawv.” Nws thov cov tub tshaj Ntuj Online teeb cov neeg uas lawv mus tsis txog. Yam uas yuav ua tau yog hauv tej zej zog thiab kev txhawb nqa uas lawv xav tau nyob Xes Us. Kev sau siab nyob Online tau tseeb tseg tias yuav npaj rau lub hauv xyoo 2027. Nws hais tias peb yuav tsis muaj qhov tsis hais txog yam peb tau pom thiab tau hnov. Tab txawm tias tsis yog txhua leej txhua tus uas tau mus txog Xes Us, tsis kav sawv daws tsim nyog muaj cai tawm tswv yim.
