Ib tug Txiv Plig raug tua tuag lub sij hawm nws tawm mus pab tsoom pej xeem, hauv kev sib ntaus sib tuag ntawm His Xas Lais thiab Lis Npaas.

Ib tug Txiv Plig raug tua tuag lub sij hawm nws tawm mus pab tsoom pej xeem, hauv kev sib ntaus sib tuag ntawm His Xas Lais thiab Lis Npaas.

Tsab ntawv xov xwm Lis Npaas thiab Vas Tis Kas tshaj tias : muaj ib tug Txiv Plig Maronite raug tua tuag hnub tim 9 lub 3 hlis no, nyob hauv lub zos Qlayaa uas nyob saum roob hauv Lis Npaas teb. Cov His Xas Lais lub tsheb tua rog tau tua lub zos, ces nws tawm mus pab tsoom pej xeem, nws thiaj raug tua tuag.

Txiv Plig El-Rahi muaj 50 xyoo. Nws tab tom khiav mus pab cov neeg nyob hauv lub tsev ntawd, vim nyob hauv lub tsev ntawd muaj cov me nyuam coob leej. Thaum lub tsheb rog rov tua tuaj, mas ua rau nws raug mob. Lawv muab nws xa mus rau tsev kho mob, tab sis nws tuag, vim nws raug mob loj heev. Txiv Plig Toufic Bou Merhi nyob hauv lub nroog Tyre thiab Deirmimas, piav rau lub rooj ntawv xov xwm Vas Tis Kas tias : “Txiv Plig El-Rahi yog tus Txiv Plig tseeb tiag”, uas nws nrog nws neeg ntseeg nyob rawv, tab txawm muaj lub ceeb toom kom khiav tawm ntawm His Xas Lais teb ntau zaus kuj xij. Txiv Plig Merhi hais tias : “Cov pej xeem tab tom tu siab txog Txiv Plig txoj kev tua thiab lawv ntshai kawg.” Cov neeg ntseeg nyob hauv lub zos, lawv tiv tseem hwv tej lus thiab lawv tsis kam tawm hauv lawv tej vaj tse los ntev lawm. Tab sis tam sim no txhua yam hloov mus. Kev khiav tawm hauv tsev mus, yog hais txog kev tawm mus nyob ntawm tej ntug kev thiab ntiav chaw nyob rau lwm qhov. Nws yog qhov nyuab thiab ua tsis tau hauv lub caij kev lag luam nyob Lis Npaas tab tom poob qis.”