Lub Koom Txoos nyob Pas Kis Taas teb, txhim 50 lub tsev rau cov neeg raug dej nyab nyob hauv thaj tsam Badin lub xeev Sindh.
Lub Koom Txoos nyob Pas Kis Taas teb, txhim 50 lub tsev rau cov neeg raug dej nyab nyob hauv thaj tsam Badin lub xeev Sindh.
Ntawm tus pog Monica Wago uas nws muaj 5 tug me nyuam, mas suab nag yog lub suab uas nws ntshai heev. Nyob tiaj nrag hauv thaj tsam Badin uas nyob hauv lub xeev Sindh nyob Pas Kis Taas qab teb. Huab dub nciab tsis yog nag xob nag cua xwb, tab sis yog hais txog txhua yam uas nws tsim los ntau caum xyoo piam sij tag. Nws lub neej raug cog tseg hauv tej yam tsis ruaj khov uas yog nws lub tsev av. Ib yam li ntau txhiab yim neeg nyob thoob lub teb chaws. Monica tsev neeg poob nyob hauv kev tsiv teb tsaws chaw ntau xyoo. Nws nyob hauv lub tsev ntoo thiab av nyias ntsais hauv cov huab cua hloov tas mus li. Txawm li cas kuj xij, zim txwv no txoj kev ntshai ntawd raug txhim nyob hauv pob zeb thiab hluav taws xob. Tom qab kev txhim tsev 2 xyoos ntawm lub Cheeb Koom Txoos Kav Tos Liv Hyderabad, mas lub zos tshiab kuj tshwm sim nyob hauv thaj av uas raug dej nyab xyoo 2022. Cov hauj lwm txhim kho thiab kho cov zej zog raug dej nyab xyoo 2022 uas tsis ruaj khov, raug ua tiav xyoo 2025.
Lub Cheeb Koom Txoos tau muab cov tsev ruaj khov thiab tiv tau huab cua rau cov neeg ntseeg 50 yim. Yav tag los lawv yog cov neeg pluag txom nyem tshaj hauv cov zos toj siab nyob Pas Kis Taas teb. Kev muab cov tsev ua tau pub rau cov neeg ntseeg tiav tas nyob hauv hnub tim 16 lub 2 hlis 2026. Yog kev sib koom uas muaj txiaj ntsim qab hau kawg los ntawm cov Txiv Plig, cov Leej Phauj thiab cov neeg ntseeg coob leej koom tes ua ke, kom tau ua pov thawj txog cov xwm txheej no.
Tswv Qhia Samson Shukardin tus pib cov hauj lwm no, hais tias cov hauj lwm no yog ua nyob hauv kev saib xyuas cov neeg pluag txom nyem. Lub hauv paus ua kom pom txog kev muab siab rau no hauv kev tsim yam ruaj khov thiab nyob ntev. Nws txawv cov tsev av vov nqeeb yav tag los. 50 lub tsev no ib lub tsev nyob tau 6-8 leej. Yog ua los ntawm tus qauv ruaj khov thiab tiv thaiv tau txhua yam nyob ib puag ncig yav tom ntej. Lub zos no muaj qhov dej xuas tes qoj 4 lub uas yog dej ntshiab huv. Muaj tsev plob txhij vog thiab muaj lub tsev rau sawv daws tuaj sib sau ua ke, kom tau xyaum txog kev ua noj ua haus. Lub Cheeb Koom Txoos tseem tau sau kev txhawb nqa cia ua tus qauv hauv zej zog thiab. Muaj 7 lub kiab khw me me nyob hauv lub zos. Yog qhov pib ntawm kev lag luam me me pab lawv kom dim ntawm kev ua liaj ua teb. Tab txawm tias cov hauj lwm no tsis tau txais kev pab los ntawm cov tseem hwv, tsis kav qhov ua tiav ntawm cov hauj lwm no yog ntsuas txog kev sib koom tes ntawm cov kev teev hawm hauv lub teb chaws. Lub zos no zoo siab thiab ua tsaug rau kev ua tiav zaum ob, uas yog kev nqis peev nqis dag zog ntawm lub Koom Txoos.
Monica sawv nyob ntawm nws lub tsev tshiab lub qhov rooj hais tias :
“Hnub no kuv hnov zoo li muab lub hauv roob tshem tawm hauv kuv lub siab mus lawm. Nov yog qhov pib dua tshiab thiab yog lub Cim tias peb tsis raug hnov qab.”
