Phnom Penh hais lus xa lub Koom Haum Carmelites, tus koom tes txhawb nqa hauv lub Koom Txoos.
Phnom Penh hais lus xa lub Koom Haum Carmelites, tus koom tes txhawb nqa hauv lub Koom Txoos.
Tom qab ua cov hauj lwm tshaj Ntuj Lus los 21 xyoos. Lub Koom Txoos Kav Tos Liv nyob hauv Khas Phus Chas lub tuam ceeb tau hais lus xa cov Leej Phauj Carmelites, tus tsis rau khau nyob Phnom Penh hauv kev ua tsaug hnub tim 19 lub 3 hlis. Vim lawv tab tom yuav tso tseg cov hauj lwm nyob hauv lub teb chaws As Xias toob fab naj no. Vim tsis muaj cov Leej Phauj tshiab. Nov yog kev xaus yam ntsiag to thiab hauv kev txhawb nqa lub Koom Txoos Khas Phus Chas.
Lub tsev no txhim tsa xyoo 2004, los ntawm cov Leej Phauj Carmelites ntawm Xes Us nyob Khas Phus Chas teb. Thaum ntawd pib sawv nyob hauv cov xwm txheej phem ntawm Pol Pot. Tab sis lawv xaiv yuav ua txuas ntxiv kev nyob ntawm lub Koom Haum uas pib nyob hauv lub tuam ceeb xyoo 1940 los ntawm cov Leej Phauj Fab Kis. Kev tuaj txog cov Khas Phus Chas liab xyoo 1975. Ces raug yuam kom kaw tseg, lub tuam tsev thiaj raug rhuav tshem.
Cov hauj lwm nyob Khas Phus Chas yog cov hauj lwm tshaj lub Moo Zoo, thiab yog thawj zaug teev Ntuj nyob txawv teb chaws ntawm cov Leej Phauj Carmelites nyob Kos Lim hauv Xes Us. Tas 21 xyoo dhau los no, tau txhawb nqa qhov tseem ceeb hauv kev mus kev ntawm lub Koom Txoos nyob Khas Phus Chas hauv Phnom Penh hauv kev teev Ntuj. Kev qhuab qhia ntawm Tswv Qhia Schmitthaeusler, tau hais txog kev tu siab rau qhov raug kaw uas yog lees txias kev nplua nuj hauv fab ntsuj plig no ntawm cov Leej Phauj Carmelites tau tawm los coj cov zej zog fab kev teev hawm.
