Kas Lis Tus yog Kas Pos Fos Lus tus tub txib. Kas Lis Tus yog ib tus tub txib coj ncaj, yog li nws tus tswv thiaj muab ib co nyiaj rau nws coj mus nqis peev qhib tuam txhab rau cov neeg tuaj txais nyiaj. Tab sis muaj ntau tus txais nyiaj mus lawm, mas lawv tsis them rov qab ua rau lub tuam txhab poob peev. Kas Lis Tus ntshai tsam raug tus tswv rau txim, nws thiaj khiav mus rau lwm qhov. Thaum tab tom khiav ntawd, nws raug ntes tau thiab raug cov neeg tuaj txais nyiaj liam tias Kas Lis Tus nyiag nws tus tswv cov nyiaj. Kas Pos Fos Lus thiaj coj Kas Lis Tus mus rau txim ua hauj lwm nyob hauv qhov tshau tooj liab thiab raug nce ua nom tswv cov tub qev.
Tom qab Kas Lis Tus tau txais kev twj lij lawm, Kas Lis Tus thiaj txiav siab ua Leej Choj. Vaj Qhia Xes Fais Lis Nus thiaj kom Kas Lis Tus mus saib xyuas tshav faus tuag ntawm txoj kev As Pis As.
Xyoo 218, Kas Lis Tus tau sawv ua Vaj Qhia. Nws tau txiav txim siab coj cov tim khawv cov pob txha mus cia ua ke rau ntawm chaw faus tuag ntawd ua ke.
Kas Lis Tus tau tshaj rau tsoom ntseeg sawv daws tias kev txhaum txhua yam, mas lub Koom Txoos muaj cai daws tau yog tus neeg ntawd tu siab rau nws txoj kev txhaum tiag. Tsis tas li xwb, Vaj Qhia Kas Lis Tus tseem tso cai rau sawv daws tsis hais tus neeg ntawd yuav muaj los pluag, yuav yog tub txib los tub nom tub tswv; sawv daws sib yuav tau. Yog li thiaj muaj ib co Leej Choj tsis nyiam Vaj Qhia Kas Lis Tus.
Xyoo 222, muaj kev tawm tsam los ntawm cov neeg Hes Nplaws thiab cov neeg coj lwm txoj kev ntseeg ua rau Vaj Qhia Kas Lis Tus tau tas sim neej ua tim khawv txog txoj kev ntseeg.
