Tus txhais: Txawj Tsav Lauj
As Kas Thas yug xyoo 231 hauv pov txwv Xis Xis Lias, Is Tas Lias teb. As Kas Thas yog ib tus ntxhais zoo nkauj heev, cov txiv neej hauv lub pov txwv sawv daws los xav yuav nws ua lawv poj niam. As Kas Thas nyiam coj lub neej ntshiab rau Tswv Ntuj, nws tsis kam yuav tus txiv neej twg, As Kas Thas thiaj raug tsim txom. Lawv muab nws lub txiv mis txiav thiab xa mus nrog cov niam ntiav nyob.
As Kas Thas yim raug tsim txom nws lub siab yim npuab Tswv Ntuj, nws thov Ntuj tias “Yes Xus Pleev, kuv tus Huab Tais, koj pom hauv kuv nruab siab, koj paub tias kuv yog koj tus yaj. Thov koj pab kom kuv muaj siab tawv yeej dab phem kev ntxias.”
Xyoo 251 tus vaj Des Xis Us kav Xis Xis Lias thiaj ntes As Kas Thas mus hlawv hauv hluav taws. As Kas Thas tuag ua tim khawv txog txoj kev ntseeg. Thaum yuav tuag As Kas Thas thov Ntuj li no tias “Huab Tais, koj yog tus tsim kuv, koj tau tiv thaiv kuv hauv hluav taws, koj tau rho kuv tawm hauv ntiaj teb kev hlub, thiab koj pub ib lub siab tawv rau kuv hnav, thov koj txais kuv tus plig mus nrog koj nyob.”
