Tus me nyuam ntxhais uas muaj kev ntseeg, kev thov Ntuj, kev khuv leej thiab muaj peev xwm.
Chiara Luce Badano yug lub 10 hli xyoo 1971, uas yog 21 xyoos tag los. Nws yug nyob hauv lub nroog me me hu ua Sassello nyob Is Tas Lias teb. Nws txiv yog ib tug neeg tsav tsheb loj thauj toob xib, hos nws niam tu Chiara nyob hauv tsev.
Nws niam qhia kom nws txawj nyiam, txawj hwm thiab paub txhawj xeeb cov neeg pluag. Thaum txog lub caij Chiara yuav pib kawm ntawv, mas nws khaws nyiaj kom tau txhawb nqa kev tshaj Ntuj Lus nyob Africa teb. Nyob hauv tsev kawm ntawv, nws kheev kheev pub su rau nws ib pab tub kawm uas lawv yog neeg txom nyem noj. Thiab tej thaum nws niam ntim ob pluag su, mas nws kuj muab ob pluag su pub lawv tag nrho. Vim nws txhawj xeeb txog lwm tus ntau dua. Qhov ntawd yog kev muab siab rau thiab kev pom dej siab ntawm nws.
Muaj ib hnub, Chiara de ib co txiv Apple hauv nws cov neeg txheeb ze lub vaj. Thaum nws niam nug tias nws de qhov twg los, mas nws teb tias : “Kuv de hauv lub vaj nyob ntawm peb ib sab tsev los.” Vim nws tsis tau thov lus kheev, ces nws niam ua tawv tawv kom nws cia li muab cov txiv Apple xa rov qab thiab mus thov txim tus tswv. Nws txaj muag ua ntsej muag liab tag, ces nws maj mam ua raws li nws niam hais.
Chiara thiaj nqa cov txiv Apple thiab mus thov txim ntawm tus tswv. Hnub tom qab tus txheeb ze thiaj nqa pob tawb txiv Apple rov tuaj thiab hais rau Chiara tias :
“Nov yog ib sob kawm uas Chiara tau txais. Thiab tsis txhob muab yam tsis yog yus li uas tsis tau thov lus tso cai.”
Chiara zoo siab heev uas nws tau txais cov txiv Apple ntawm tus txheeb ze, thiab nws sov siab heev uas tau txais kev qhuab qhia kom paub ua neeg ncaj ncees.
nkauj, yos hav zoov, ntaus pob tennis thiab ua luam dej.
Thaum nws muaj 16 xyoo, nws tau pauv lub neej mus nyob Los Mas nrog pab neeg Focorare. Chiara thiaj ntxiv lo lus tias Luce, uas txhais tias qhov pom kev nyob tom qab nws lub npe. Nws pom tias Yes Xus yog qhov pom kev nyob hauv nws lub neej. Yes Xus tib leeg xwb uas yuav coj tau nws kev. Chiara yog Yes Xus ib tug tseem phooj ywg tiag. Thaum txog lub caij ntuj sov xyoo 1988, Chiara hnov tias mob nws xub pw thaum nws ntaus tennis. Nws xij mob tsis tseg, ces Chiara thiaj mus cuag kws kho mob thiab soj ntsuam qee yam ntawm nws. Tom qab cov kws kho mob thiaj pom tias nws yog mob Cancer hauv pob txha uas yog yam tsis tau pom dua thiab yog mob tuaj, mas mob heev.
Chiara tsis nroo txog nws qhov mob hlo li. Lub caij nws kho mob nyob hauv tsev kho mob, nws siv sij hawm nrog ib tus neeg mob taug kev ua si, yog tus neeg tab tom tiv mob thiab ntsoos kawg. Kev taug kev li no muaj txiaj ntsim qab hau rau tus neeg mob ntawd, tab sis ntawm Chiara mas nws mob heev zuj zus. Chiara tus muaj lub siab zoo thiab khuv leej xav pab lwm tus neeg uas xav tau kev pab, xws li qhov Yes Xus ua.
Thaum nws niam thiab cov kws kho mob hais tias nws tus mob tsis muaj hnub zoo, mas nws luag thiab hais tias : “Txhob txhawj, kuv yuav mus cuag Yes Xus. Thiab txog lub caij kuv yuav mus lawm.” Nws niam kuj hais rau tus kheej tias : “Chiara Luce tab tom ntsib Yes Xus thiab nws muaj kev sov siab uas tau nyob nrog Yes Xus.”
Chiara siv nws lub caij kawg nrog nws tsev neeg thiab phooj ywg nyob, thiab lawv nrog nws thov Ntuj tias : “Thov caw Leej Ntuj Plig Ntshiab nqes los.” Nws lo lus kawg yog “thov kom muaj kev sov siab, vim yog kuv.”
Chiara tuag hnub tim 7 lub 10 hli xyoo 1990, yog thaum nws muaj 18 xyoo. Muaj ntau txhiab leej neeg mus koom nws lub ntees. Tus tswv nroog Sassello tshaj kom muab lub nroog kaw, kom tib neeg tau kev koom lub thaj txi Ntuj.
Chiara raug tshaj tawm ua tim khawv.
Vaj Qhia Npes Nes Dis 16, nco txog ib qho hwj huam yees ntxwv ntawm ib tug me nyuam tub Is Tas Lias. Uas Chiara niam thiab txiv tau thov kom kho Chiara ntawm tus kab mob nqaij hlav hauv cov paj hlwb uas tab tom kis mus rau lwm qhov. Nws tus kws kho mob tsis tuaj yeem piav tau tias nws tus mob cia li zoo hlo tau li cas.
Chiara raug tshaj tawm tias : “Yog tus tau txais koob hmoov”, hnub tim 25 lub 9 hlis xyoo 2010 nyob Los Mas. Hnub hwm Tim Khawv Chiara yog txhua txhua xyoo hnub tim 29 lub 10 hli. Thov Tswv Ntuj foom hmoov zoo rau Chiara Luce, koj thov Ntuj pab peb thiab.
