Gianna Bretta yug nyob hauv lub nroog Magenta los yog Milan, hnub tim 4 lub 10 hli xyoo 1922. Thaum nws tseem yau, nws zoo siab txais qhov paj tshab ntawm kev ntseeg thiab kev kawm raws neeg ntseeg los ntawm nws niam nws txiv uas muaj kev ntseeg zoo. Vim li no nws thiaj tau txoj sia uas yog ib qhov txiaj ntsim zoo los ntawm Tswv Ntuj. Muaj kev ntseeg ruaj khov hauv tej koob hmoov thiab ntseeg txog qhov tsim nyog hauv kev teev Ntuj. Nws muab tus kheej los sib tw nyob hauv kev kawm thaum nws kawm qhib nrab thiab txheej siab. Ua ke ntawd, nws kuj siv kev ntseeg los ua hauj lwm qhia kev ntseeg pub rau nws cov phooj ywg Kav Tos Liv, thiab ua hauj lwm pab cov neeg laus thiab cov neeg txom nyem uas nws yog ib tug tim xyoob nyob hauv Leej Ntshiab Vincent de Paul. Tom qab nws tau txais daim ntawv pov thawj fab kws kho mob thiab kho ntsej muag hauv lub tsev kawm txheej siab Pavia xyoo 1949. Nws tau qhib ib lub tsev kho mob nyob hauv nroog Mesero uas nyob ze Magenta xyoo 1950. Nws kawm paub txog kev noj qab haus suv saib xyuas cov me nyuam nyob hauv lub tsev kawm txheej siab Milan xyoo 1952. Thiab tom qab ntawd nws pom txog qhov tseem ceeb ntawm leej niam, cov me nyuam mos, cov neeg laus thiab cov neeg txom nyem. Thaum nws ua hauj lwm kws kho mob, nws xav tias yog nws txoj hauj lwm thiab ua li ntawd. Nws muab tus kheej los ua hauj lwm rau lub Koom Haum Catholic Action yam qhib siab. Tshwj xeeb tshaj yog nyob hauv cov tub ntxhais hluas. Tib lub caij ntawd nws kuj ua txog kev lom zem sov siab hauv kev hlub uas yog ua si Skiing thiab nce roob. Nws teev Ntuj thiab thov Ntuj pab lwm tus. Nws ua tib zoo xav txog nws txoj hauj lwm, nws xav tias yog ib qho paj tshab ntawm Tswv Ntuj.
Thaum nws xav tias yuav txiv, nws muab siab rau thiab muab nws tus kheej ua hauj lwm yam txaus nkaus, kom tau tsim ib tsev neeg ntseeg tiag tiag.
Nws tau qhaib nrog Pietro Moll thiab txaus siab zoo siab nyob hauv lub caij sib qhaib. Nws ua tsaug thiab cav txog Tswv Ntuj. Nkawd sib yuav hnub tim 24 lub 9 hlis xyoo 1955, nyob hauv lub tuam tsev teev Ntuj Martin nyob Magenta. Nws rais ua ib tug niam tsev muaj kev sov siab. Hauv lub 11 hlis 1956, nws yug Pierluigi. Lub 12 hlis xyoo 1957 nws yug Mariolina, ces ua rau nws muaj kev sov siab heev. Lub 7 hli xyoo 1959 nws yug Laura. Nws muab kev ua niam, ua poj niam, ua kws kho mob thiab yam nws xav tau nyob hauv lub neej los tso nyob ua ke.
Lub 9 hlis xyoo 1961, thaum nws xeeb tub 2 lub hlis, nws paub tias mob thiab txom nyem kawg. Vim nws muaj nqaij hlav nyob hauv lub tsev me nyuam. Ua ntej nws yuav raug phais, nws nco txog kev txhawj xeeb hauv kev xeeb tub, vim ntshai tsam muaj mob raws los. Nws tau thov cov kws kho mob uas phais kom lawv pab nws tus me nyuam uas nws xeeb nyob hauv plab. Thiab nws tso siab rau kev thov Ntuj thiab txoj koob hmoov. Ces nws txoj sia tau txais kev cawm, nws zoo siab ua Tswv Ntuj tsaug. Nws siv sij hawm 7 lub hlis mus txog thaum nws yug tus me nyuam yam muaj lub siab tawv. Nws ua cov hauj lwm uas yog ib leeg niam thiab kws kho mob yam tsis tu ncua. Nws txhawj tias tsam nws tus me nyuam yug los thiab muaj mob. Nws tau thov Ntuj kom Tswv Ntuj pov hwm txhob pub muaj li ntawd tshwm sim.
Ob peb hnub ua ntej nws yuav yug me nyuam, tab txawm tias nws ntseeg thiab tso siab rau Tswv Ntuj ib txwm los, tsis kav nws kuj zoo siab yuav muab nws txoj sia los pauv tus me nyuam. Yog yuav xaiv kuv thiab me nyuam, mas txhob ua xyem xyav kiag. Xais me nyuam zoo dua, ces kuv xaiv me nyuam thiab thov pab nws. Hnub tim 21 lub 4 hlis xyoo 1962 thaum sawv ntxov, Gianna thiaj yug me nyuam. Tab txawm yuav muab siab rau ua txhua yam los pab 2 leeg txoj sia, tsis kav hnub tim 28 lub 4 hlis tom qab nws cov lus thov Ntuj tias : “Yes Xus, kuv nyiam koj. Yes Xus, kuv nyiam koj.”
Ces Gianna txoj sia tu. Thaum nws tuag nws muaj 39 xyoos. Nws lub ntees yog ib lub ntees uas muaj kev tu siab, kev ntseeg thiab kev thov Ntuj nyob puv nkaus.
