Hmoob

ZAJ NYEEM HNUB TIM 6 LUB 8 HLI 2025
HNUB YES XUS LUB HWJ CHIM TAWM TUAJ
COV LUS NYOB HAUV LUS KAS NTAWV MOO ZOO (LK 9: 28-36)
Cov kwv tij, hnub no lub Koom Txoos caw peb los ua hmoov cav txog Huab Tais Yes Xus lub hwj chim tawm tuaj rau 3 tug thwj tim pom. Lub ntsiab hauv lub Moo Zoo hnub no, yog ntuas peb sawv daws kom ‘mloog’ Huab Tais Yes Xus raws li cov thwj tim hnuv lub suab nrov hauv twv huab tuaj tias “Tus no yog kuv Leej Tub uas kuv nyiam, nej mloog nws mog.”
Tos Huab Tais Yes Xus cia nws lub hwj chim tawm tuaj rau Pob Zeb, Yas Kos, thiab Zam pom; vim tias ua ntej no li 6 hnub, Huab Tais Yes Xus qhia cov thwj tim tias nws yuav raug tsim txom, mas sawv daws ntxhov siab. Huab Tais Yes Xus xav kom lawv tso siab mas nws thiaj pub lub hwj chim Tswv Ntuj rau lawv pom. Tab sis tsis yog tas cov thwj tim yuav pom, Huab Tais Yes Xus tsuas xaiv Pob Zeb, Yas Kos, thiab Zam lawv 3 leeg xwb.
Pob Zeb yuav yog tus ntaus thawj coj cov thwj tim, Yas Kos yuav yog thawj tug tuag ua tim khawv, Zam yuav yog tus ua pov thawj txog txhua yam Huab Tais Yes Xus tau hais tseg.
Peb tug thwj tim pom Mais Xes thiab Es Lias tawm los nrog Huab Tais Yes Xus tham. Ua cas thiaj yog Mais Xes thiab Es Lias?
Nyob hauv cov His Xas Lais los yog cov Yus Das, lawv saib Mais Xes thiab Es Lias yog ob tug Yaj Saub tseem ceeb; Mais Xes yog tus txais Txoj Cai ntawm Huab Tais Tswv Ntuj los qhia rau cov His Xas Lais coj, Es Lias yog tus ntuas cov His Xas Lais kom nyob rawv hauv Tswv Ntuj txoj kev.
Cov Yus Das hais tias tus twg mloog Mais Xes, tus ntawd yog mloog Tswv Ntuj; tus twg tsis ua raws li Mais Xes cov lus qhia, tus ntawd yog hla Tswv Ntuj lus. Li ntawd, cov Yus Das thiaj saib Mais Xes Txoj Cai yog ib yam yuav tsis txhob hla.
Cov Yus Das pom tias Es Lias yog tus Yaj Saub pheej xeeb rau Tswv Ntuj, yog tus txais Tswv Ntuj lub hwj chim los rhuav cov Yaj Saub cuav teev Npas As. Es Lias thiaj yog tus Yaj Saub coj cov Yus Das rov los npuab Tswv Ntuj.
Mais Xes thiab Es Lias tawm los nrog Huab Tais Yes Xus tham, thiaj yog ib lub cim qhia rau peb tug thwj tim paub tias tab txawm cov Yus Das yuav saib Mais Xes thiab Es Lias loj npaum cas, tsis kav nkawd kawg yog ob tug tub txib tsob hwb Tswv Ntuj Lo Lus xwb. Tus loj tshaj mas yog Huab Tais Yes Xus.
Huab Tais Yes Xus yog Tswv Ntuj Lo Lus, cov thwj tim tsum mloog Huab Tais Yes Xus, ces Huab Tais Tswv Ntuj lub suab hais kom lawv 3 leeg mloog Huab Tais Yes Xus.
Cov thwj tim niaj hnub nrog Huab Tais Yes Xus nyob thiab mloog Huab Tais Yes Xus cov lus qhia. Lawv tseem yuav mloog dab tsi ntxiv?
Qhov Huab Tais Tswv Ntuj xav kom cov thwj tim mloog, mas yog qhov tias lawv tsis txhob ntxhov siab txog Huab Tais Yes Xus txoj kev yuav raug txom nyem, lawv yuav tau yoog raws Huab Tais Yes Xus; yam li lawv yuav nrauj lawv tus kheej thiab yeem ris lawv tus ntoo cuam raws Huab Tais Yes Xus qab.
Niaj hnub no Huab Tais Tswv Ntuj kuj hais li ntawd rau peb, tsis yog kom peb mloog Huab Tais Yes Xus cov lus qhia nyob hauv lub Moo Zoo, los yog mloog Tswv Ntuj Lo Lus nyob hauv phau Ntawv Ntshiab xwb; Huab Tais Tswv Ntuj tseem kom peb nrauj peb thiab zoo siab ris peb tus ntoo cuam thiab.
Nyob zoo sawv daws.

Muab koj tsev neeg cev rau Tswv Ntuj. (Freeing Your Family for God)

ZAJ NYEEM HNUB TIM 5 LUB 8 HLI 2025
HNUB CEV LUAB TUAM TSEV ZAM LAS TES LAAS
COV LUS NYOB HAUV MAS TAIS NTAWV MOO ZOO (MT 14: 22-36)
Kwv tij Hmoob, Huab Tais Yes Xus ua hwj huam kom 5 lub ncuav mov thiab 2 tug ntses ntsu tuaj yug cov neeg tuaj vam txog Huab Tais Yes Xus tau noj tas, thaum ntawd lig lawm, ces Huab Tais Yes Xus thiaj mam kom sawv daws nyias mus nyias tsev. Huab Tais Yes Xus xub hais cov thwj tim kom nce nkoj ua nws ntej mus lawm sab ntug dej tim ub.
Thaum cov thwj tim nyob hauv nkoj, lawv raug xwv txheej loj; dej nphau tuaj nplawm lub nkoj. Cov thwj tim sib pab hwj lub nkoj kom tsis txhob nphau, ces thaum ntawd, lawv pom Huab Tais Yes Xus mus ko taw saum dej ntuj, lawv xav tias yog lawv pom poj ntxoog, ces lawv yim ntshai.
Huab Tais Yes Xus hais kom lawv tsis txhob ntshai, nws qhia lawv tias yog nws, ces Pob Zeb thiaj thov mus cuag Huab Tais Yes Xus. Pob Zeb tsuj saum dej ntuj mus nrhiav Huab Tais Yes Xus; nws tsis tog, tab sis thaum nws pom cua hlob, nws ntshai, ces nws pib tog. Pob Zeb hu Huab Tais Yes Xus kom tsuag tsuag los pab nws.
Huab Tais Yes Xus rub Pob Zeb tes thiab hais rau nws tias “Neeg ntseeg tsawg, ua cas koj ua xyem xyav?”
Kwv tij Hmoob sawv daws, niaj hnub peb muab peb kev ua neej piv rau cov thwj tim thaum lawv nyob hauv lub nkoj nyob plawv dej ntuj, muaj ntau yam teeb meem thiab ntau yam xwv txheej tuaj nphav tuaj raug peb ua rau peb lub neej tshuav nphau. Txawm li ntawd, Huab Tais Yes Xus xav kom peb tso siab tias thaum peb muab tas peb lub siab los ntseeg txog Huab Tais Yes Xus lawm, nws yuav pab peb kom hla dhau kev txom nyem tuaj raug peb ntawd.
Hnub twg peb ntsia ntsoov Huab Tais Yes Xus, hnub ntawd peb yuav tsis plam taw; tab sis hnub twg peb muab teeb meem saib ua qhov loj, mas hnub ntawd peb yuav raug cov teeb meem tsuam.
Nyob zoo sawv daws.

ZAJ NYEEM HNUB TIM 3 LUB 8 HLI 2025
HNUB CHIV, LIS PIAM 18 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 12: 13-24)

Xov Xwm hauv lub Koom Txoos. Tim 7 lub 6 hli 2025 (News from the world and the Church)
• Is Ntos Nes Xias teb txwv tsis pub ua Nickel mining nyob Raja Ampat, vim ua rau txhua yam nyob ib puag ncig piaj sij loj heev.
• Pej xeem hauv lub caij ntuj no: Hanoi rhuav tshem txoj cai 2 tug me nyuam.
• Tom qab av qeeg 4 lub hlis, kev lag luam nyob Mias Mas teb piam sij tas.
• Vaj Qhia Leo 14 txhib cov neeg ntseeg kom txhob ua neeg ntseeg tsis ruaj khov, vim peb txhua tus raug hu kom los ua txoj hauj lwm no.
• Txiv Plig Stan’s lub cuab tam : txoj kev ncaj ncees rau cov neeg Adivasis tseem muaj ntxiv mus nyob hauv lub nroog Ranchi.
• Kev sib tham hauv xeev ntuj thov kom lub Koom Txoos nyob Is Ntos Nes Xias teb, muab kev qhuab qhia fab kev ntseeg kom muaj qab muaj quag thiab ua ntev mus rau cov neeg thoj nam.

Tim 1 lub 8 hli 2025.
Mas Tais ntawv Moo Zoo zaj 13 : 54-58.

Tim 1 lub 8 hli 2025.
Mas Tais ntawv Moo Zoo zaj 13 : 54-58.

Kev sib tua ntawm ciam teb, ua rau tsoom pej xeem ntau txhiab leej khiav tawm ntawm ciam teb Thaib thiab Khas Phus Chas. Cov thawj coj ntawm lub Koom Txoos taij thov kev thaj yeeb.

Tim 31 lub 7 hli 2025.
Mas Tais ntawv Moo Zoo zaj 13 : 47-53.

Lo lus hauv lub neej, lub 7 hli 2025. (Word of Life of July 2025)

Tim 30 lub 7 hli 2025.
Mas Tais ntawv Moo Zoo zaj 13 : 44-46

Tim 29 lub 7 hli 2025.
Zam ntawv Moo Zoo zaj 11 : 19-27.

Tim 28 lub 7 hli 2025.
Mas Tais ntawv Moo Zoo zaj 13 : 31-35.

Hnub no yog hnub chiv tim 27 lub 7 hli xyoo 2025

ZAJ NYEEM HNUB TIM 26 LUB 7 HLI 2025
HNUB NCO TXOG LEEJ NTSHIAB YOS AS KIS THIAB AS NAS
COV LUS NYOB HAUV MAS TAIS NTAWV MOO ZOO (MT 13: 16-17)

Xov Xwm hauv lub Koom Txoos. Tim 26 lub 7 hli 2025 (News from the world and the Church)

Hais txog lub rooj sab laj Synodality (On the Synod on Synodality)
Kuv xav hais txog qee yam ntxim siab ntawm Synod thiab Synodality.

ZAJ NYEEM HNUB TIM 25 LUB 7 HLI 2025
HNUB UA HMOOV LEEJ NTSHIAB YA SKOS
COV LUS NYOB HAUV MAS TAIS NTAWV MOO ZOO (MT 20: 20-28)

ZAJ NYEEM HNUB TIM 24 LUB 7 HLI 2025
HNUB TSIB, LIS PIAM 16 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 13: 10-17)

Koj puas tau khiav tawm ntawm Tswv Ntuj mus ? (Are you far from God?)