“Hnub no kuv tseem muaj txoj sia nyob, vim koj.” Lub tsev pab cuam cov yim neeg nyob Mumbai tsuj xeeb txwm 50 xyoo hauv kev pab cuam.
Hauv kev tsuj xeeb txwm 50 xoo hnub tim 8 lub 8 hli. Hauv kev tsuj xeeb mas tus qub thawj tswj uas yog Txiv Plig Cajetan Menezes tau hais txog kev pab ib tug poj niam cev xeeb tub uas nws xav tua tus kheej kom tuag, vim nws tus txiv ntxeev siab. Ntau xyoo tom qab nws ua Txiv Plig tsaug tias : “Tos niaj hnub no kuv tseem muaj txoj sia nyob, yog vim koj.” Nws cov lus zeem tseeb ua kom pom txog Snehalaya cov hauj lwm hauv kev txhawb nqa kev sib pom dej siab rau cov neeg ntsib teeb meem hauv yim neeg. Lub tsev pab cuam no txhim tsa hnub tim 8 lub 8 hli xyoo 1976. Yog ua hauj lwm hauv kev npaj txhij ua ntej hauv kev sib yuav, muab kev tuav xam nrog yim neeg, kev npaj lub neej raws ntuj tsim, kev txhawb nqa fab kev ntseeg thiab kev qhuab qhia kev ntseeg. Hauv lub ntsiab lus tias : “Muab lub siab los mloog, mus ua ke hauv kev nyiam kev hlub thiab nyob ib sab hauv kev ntseeg.” Kev tsuj xeeb xyoo no yog hais txog cov hauj lwm pib tshiab, kom tau txhawb nqa kev ruaj khov rau lub neej sib yuav thiab cov yim neeg.
Txiv Plig Ashwin Castellino tus thawj tswj tam sim no, tau tshaj txog kev qhuab qhia cov txij nkawm thiab tuav xam 100 nkawm. Muab kev tuav xam rau cov nkauj nraug 500 nkawm thiab txhawb nqa lwm cov txij nkawm uas tsis yog neeg ntseeg 100 nkawm. Lub tsev no tseem npaj siab yuav tsa lub Koom Haum pab tuav xam nyob hauv tsev teev Ntuj thiab npaj luam cov ntaub ntawv qhia cov txij nkawm uas txawv kev ntseeg. Tswv Qhia John Rodrigues nyob Bombay hais hauv lub rooj sau siab tias : “Kev sib yuav yog ua tawm txog Tswv Ntuj kev nyiam kev hlub muaj nqis.” Nws lees txog tej kev txhawj xeeb tshwm sim tshiab uas cov yim neeg ntsib nrog rau Technology, AI lub tswv yim tsim tawm, kev pauv ntxeev hauv zej zog thiab kev ntsoos nyob hauv nroog. Nws thov kom lub Koom Txoos mloog cov hluas txheej tshiab thiab txhim kho txoj kev tshiab hauv kev saib xyuas fab ntsuj plig.
Thaum Snehalaya nkag mus rau tshooj tom ntej. Lub tsev no muaj lub hom phiaj uas yuav hla dhau kev sib yuav ib zaug mus rau kev tuav xam ua ntu zus. Pab kom cov txij nkawm tiv kev txhawj xeeb hauv lub neej ua txij nkawm thiab hauv tsev neeg.
