arginalized communities in Thailand Pab Leej Phauj Xas Vias tsuj xeeb txwm 25 xyoos hauv kev tshaj Ntuj Lus rau cov neeg tsis muaj zoo caij nyoog nyob Thaib teb.

Pab Leej Phauj Xas Vias ntawm Niam Mab Liab tau tsuj xeeb txwm 24 xyoos, hauv kev tshaj lub Moo Zoo nyob Thaib teb, hnub tim 7 lub 11 hlis no. Uas yog hais txog lawv cov hauj lwm ua rau cov neeg tsis muaj lub zoo caij nyob Bangkok thiab cov haiv neeg tsawg uas nyob pem toj siab nyob Thaib qaum teb.

Kev tsuj xeeb txwm 25 xyoos yog npaj nyob hauv lub tsev teev Ntuj Leej Niam Tus Khuv Leej nyob ze Bangkok. Muaj Tswv Qhia Vira uas saib lub Cheeb Koom Txoos Bangkok ua tus coj lub Txoos. Muaj Tswv Qhia B Wells tus sawv Vaj Qhia cev nyob Bangkok tuaj koom nrog thiab. Hauv cov lus nthuav ntawv Moo Zoo, Tswv Qhia Vira tau hais txog Tswv Ntuj lub suab hu Has Nplas Has.

Nws hais tias : “Lub neej ua tub tshaj Ntuj Lus tsim nyog yuav tso txhua yam ntiag tug pov tseg thiab tso siab rau Tswv Ntuj lub hom phiaj. Nws qhuas txog cov Leej Phauj uas muab tus kheej los ua hauj lwm rau lwm tus. Tshwj xeeb tshaj yog cov neeg pluag txom nyem thiab cov raug zej zog cais.”

Zim txwv no muaj 7 tus Leej Phauj Xas Vias ua hauj lwm nyob Thaib teb. 4 tug yog tshaj lub Moo Zoo nyob Bangkok thiab 3 tug nyob hauv cov xeev nyob Thaib qaum teb. Lawv cov hauj lwm yog kev qhuab qhia cov tub ntxhais hluas, kev pab kev kawm ntawv, kev noj qab haus huv, kev qhia kev ntseeg thiab kev txhim kho cov haiv neeg tsawg. Cov Leej Phauj no nyob hauv tej zej zog, lawv tsim kev sib raug zoo nrog cov yim neeg thiab ua tej yam uas lwm tus xav tau nyob hauv lawv lub neej niaj hnub.

Tswv Qhia B Wells tau hais txog qhov Mab Liab mus xyuas Es Lis Xas Npes, hauv tus yam ntxwv kev ua tub txib ntawm cov tub tshaj Ntuj Lus.

Nws hais tias : “Mab Liab tsis yog tias mus xyuas nws tus phauj Es Lis Xas Npes xwb, nws tseem ua tub txib mus coj Yes Xus los nyob hauv nws kom tau faib rau lwm tus thiab.” Nws tseem thov kom txhawb nqa kev muab siab rau ua tub txib nyob hauv ib tsoom neeg, vim cov muab tus kheej los tshaj Ntuj Lus nyob thoob ntiaj teb muaj tsawg zuj zus lawm. Thaum xaus lub Txoos Tswv Qhia B Wells tau muab Vaj Qhia daim ntawv foom hmoov zoo rau cov Leej Phauj, yog daim ntawv pov thawj qhuas txog cov Leej Phauj Xas Vias kev ua tub txib nyob Thaib teb 25 xyoos.

Hmong Survey Popup Image