Lub caij lub ntiaj teb sov sov vaum vaum dhau mus lawm, tam sim no txog lub caij lub ntiaj teb kub ntaiv. Tus thawj tswj lub Leej Haum Kuj ceeb toom tias :
Lub 7 hli xyoo no raug teeb tsa ua lub hlis sov tshaj plaws nyob hauv ntiaj teb cov liv xwm. Tus thawj tswj ntawm lub Leej Haum Kuj hais ntxiv tias :
“Lub caij ntuj sov sov vaum vaum tag lawm, tam sim no txog lub caij ntuj kub ntaiv.”
Peb tsis tas yuav tos txog lub 7 hli tag, thiaj mam muaj lo lus teb. Kev pauv ntxeev ntawm huab cua nyob qhov no, nws txaus ntshai thiab nov yog nyuam qhuav pib xwb. Cov thaj tsam kub ntaiv feem ntau yog nyob As Mes Lis Kas Pej, nyob As Xias, nyob As Fiv Kas thiab Aws Los Pas. Lub caij ntuj sov xyoo no sov kawg, ces hais txog thoob lub ntiaj teb, mas yog kev piam sij.
Ntawm cov kws txuj tshawb fawb, yog qhov tseeb kawg thiab tib neeg yuav tsum tau lees txais. Qhov uas txaus txhawj zim txwv no, mas yog huab cua pauv ntxeev mus sai heev. Cov teeb meem tshwm sim zim txwv no thiab txaus tu siab : yog cov me nyuam raug cua tshuab ploj nyob hauv cov khaub lig cua plua tshauv, cov yim neeg uas khiav kom dim hluav taws, cov tub zog tsaus muag nyob hauv cov huab cua kub.
Thaum peb ntsib cov kev piam sij li no, tus thawj tswj lub Leej Haum Kuj thov kom peb rov muaj kev muab siab rau ib zaug ntxiv. Nws rov hais txog cov thaj tsam siv fossil, uas muaj huab cua tsis zoo ua pa, qhov kub ntaiv tiv tsis taus thiab kev tau nyiaj los ntawm fossil, kev tsis quav ntsej txog huab cua yog qhov lees txais tsis tau.
Tam sim no cov pa iav qhov kub, ua kom ntiaj teb cov huab cua txav mus deb ntawm tej huab cua uas neeg swm mus zuj zus. WMO hais tias : lub ntiaj teb qhov kub yuav nce siab heev yam tsis tau muaj dua li nyob hauv 5 xyoos tom ntej. Lub ntiaj teb qhov kub nce heev zuj zus li ntawm 66 feem pua nyob hauv xyoo 2023 mus txog xyoo 2027. Ces pom tias ntiaj teb neeg tiam no poob nyob hauv cov huab cua kub kub ntaiv ntaiv li ntawm 1 degree tawm.
