Is Ntos Nes Xias teb txwv tsis pub ua Nickel mining nyob Raja Ampat, vim ua rau txhua yam nyob ib puag ncig piaj sij loj heev
Is Ntos Nes Xias txwv tsis pub khawb nickel mining nyob Raja Ampat, vim nws ua kev piam sij rau txhua yam nyob ib puag ncig loj heev. Is Ntos Nes Xias teb txwv cov hauj lwm uas yog tej yam ntuj tsim nyob Pas Puas sab hnub poob ib ntus. Tom qab muaj tsoom pej xeem tawm tsam nyob hauv thaj tsam, thiab cov tub txuag txhua yam ib puag ncig Greenpeace hais tias; muaj kev hla txoj cai loj heev thiab ua kev piam sij uas tsis tuaj yeem yuav daws tau hais txog txhua yam muaj txoj sia uas txoj cai txuag cia nyob hauv cov pov txwv me me. Thaj tsam uas hais no yog qhov chaw nyob ntawm ntau hom pob zeb 75 feem pua ntawm lub ntiaj teb. Thiab yog qhov chaw ntawm kev ncig tsham saib xyuas txhua yam muaj txoj sia. Hnub tim 5 lub 6 hli no, tus pwm tsav Bahlil hais tias : Gag Nickel yog ib lub Koom Haum uas ua hauj lwm nyob hauv thaj tsam no. Tab txawm tau txais lus tso cai thiab muaj ntawv tso cai 5 daim kuj xij, qhov chaw khawb nickel mining nyob nrug deb ntawm qhov chaw ncig tsham Piaynemo kwv yees li 30-40 km. Greenpeace Is Ntos Nes Xias tawm tsam kev ua hauj lwm ntawm tus pwm tsav. Lawv hu kev ua li no tias yog kev yuav ua kom kev tawm tsam tsawg zuj zus hauv hnub tim 26 txog 31 lub 5 hlis 2025.
Lub pwm tsav saib xyuas txhua yam nyob ib puag ncig thiab cov tub saib xyuas hav zoov tau soj ntsuam txog kev khawb mining nyob Raja Ampat, lawv lub hom phiaj yog taw mus rau 4 lub Koom Haum. Tab txawm tias lawv puav leej muaj ntawv tso lus kheev raug cai, tsis kav tsuas muaj 3 lub xwb thiaj muaj daim ntawv tso cai kheev ua nyob hauv hav zoov.
