Tus niam dej Syrdarja, niam dej pub txoj sia yuav tsum tau txais kev pab ntawm As Xias nrab
Tus niam dej loj ntawm xeev ntuj no ntws hla teb chaws Kis Zis Taas, Tas Zis Kis Taas, Us Npes Kis Taas thiab Kas Ntxas Taas. Qhov kawg ntws mus rau lub hiav txwv Aral yog thaj chaw qhuav. Tus niam dej nqhuab sai heev, vim kev pauv ntxeev ntawm huab cua nyob hauv xeev ntuj. Tsis tas li ntawd, tseem muaj kev ntov xyoob ntoo los ua liaj ua teb yam ntau kawg nyob hauv kev nrog lwm cov teb chaws sib tw. Tab sis ntau tus kws txuj hais tias : yog xav txuag tus niam dej no cia, mas yuav tau pib hauv mus rau saud.
Kev ua lub neej nyob As Xias nrab feem ntau yog los ntawm cov niam dej loj nyob hauv xeev ntuj. Yog tus niam dej Syrdarja uas ntws mus rau lub hiav txwv Aral qhov chaw qhuav. Yawg Arman Utenov tus txiav txim siab fab dej thiab hav zoov EcoMind ntseeg tias : tab txawm ntsib ntau yam teeb meem, tsis kav lwm yam kuj tseem txuag tau yog tias tus niam dej tsis muaj kev ua kom piam sij. Nws tau piav tias vim li cas thiaj tsim nyog yuav txuag cov hauv dej nyob Kas Ntxas Taas thiab nyob hauv txhua lub teb chaw ? Tus niam dej Syrdarja ntws hla 4 lub teb chaws xws li : Kis Zis Taas teb, Tas Zis Kis Taas teb, Us Npes Kis Taas teb thiab Kas Ntxas Taas teb. Thaum tus niam dej ntws mus kawg, nws yuav mus xaus rau lub hiav txwv Aral uas yog qhov chaw muaj neeg nyob coob. Nyob ntawd muaj cov neeg ua liaj ua teb thiab cov neeg ntes ntses, cov los pav, cov neej ua liaj nyob coob. Qhov chaw ntawd yog qhov chaw qhuav heev. Cov kws txuj tau tuav xam los ib ntus hais txog daws teeb meem ntawm qhov dej saus uas yog qhov tseem ceeb nyob As Xias nrab. Pom tau tias cov dej nyob hauv lub hiav txwv Aral, ob peb xyoos tag los no nqhuab sai kawg. Ces sawv daws yuav tsum muaj kev daws kho los yog sib pab cawm kom tus niam dej Syrdarja txhob nqhuab.
