“Kuv tsis cia siab rau koj ntxiv lawm” nov yog tus sawv cev ntawm Global South cov lus hais nyob hauv cov tub ntxhais hluas hnub uas kuv tau mus koom sab laj hais txog huab cua nyob Bonn, uas nyuam qhuav dhau mus tsis ntev no.
Nws tsis tau hais txog ib tug neeg twg nyob hauv kem tsev sab laj, tab sis nws hais txog cov teb chaws uas vam meej thiab “Global North”.
Lo lus teb no yog nyob hauv kev sab laj uas muaj cov neeg sib tham hais txog kev kav teb chaws ntawm ib tug neeg twg thiab kev kub ntxov ntawm huab cua.
Cov teeb meem no tseem tsis tau muaj neeg paub tias yuav zoo li cas nyob thoob ntiaj teb. Yuav tsum siv sij hawm ntau caum xyoo uas IPCC yuav lees txais kev kav teb chaws ntawm ib tug neeg twg ua tus daws cov teeb meem huab cua.
Txawm li cas kuj xij, pab neeg ncaj ncees rau huab cua nyob thoob ntiaj teb muab kev sib txuas nrog cov teeb meem no los ntau caum xyoo lawm.
Thaum ua tib zoo soj ntsuam, pom tias kev kav tsis yog ib tug cag ntawm teeb meem huab cua xwb, tab sis nws ua teeb meem rau cov neeg pluag txom nyem thiab tsis muaj zog ntau txhiab plhom leej.
Tsis yog tias qee lub teb chaws thiab qee lub Koom Haum thiaj ua teeb meem xwb, yuav luag tag cov teb chaws nyob Global North SB58, yog cov teb chaws vam meej uas tseem hais ib zaug tag ib zaug thiab uas tsis tau ua raws cov lus cog uas yuav koom tes sib pab daws teeb meem. Vim yuav tsum maj daws kho cov teeb meem huab cua ntawm tej xeev ntuj kom ntau nyob hauv txhua xyoo dhau mus, ces kev hais ncaj qha tsis kam daws kho ntawm Global North thiaj yog teeb meem uas uv tsis taus ntxiv mus.
