Xov Xwm

Kev ntseeg nyob As Xias yuav loj hlob los ntawm tib neeg lub neej ntau dua hauv tej
chav kawm, thiab kev sib cav txog kev ntseeg. Lub Koom Haum kev ntseeg OTC ntawm
cov Tswv Qhia As Xias (FABC) hais nyob hauv lub rooj sab laj loj zaum tim 12, uas yog
hnub tim 21 lub 7 hli no, hauv lub tsev txais qhua Mulia nyob Jakarta.

Kev mus ua ke ntawm lub Koom Txoos raws Synodal yog txhais li cas ? Hauv hnub
teev Ntuj thiab rov xav txog ntawm FABC lub rooj sab laj loj zaum tim 12, uas yog
hnub tim 22 lub 7 hli. Tswv Qhia Tagle hais tias : “Cov lus teb yuav pom nyob hauv
cov me nyuam uas tab tom xyaum mus kev.”

Lub Koom Haum cov neeg ntseeg thiab cov yim neeg (OLF) ntawm cov Tswv Qhia
nyob As Xias, thov kom cov tsev neeg, cov poj niam, cov tub ntxhais hluas thiab cov
neeg ntseeg muaj feem cuam txog lub Koom Txoos cov hauj lwm ntau dua qub. Hauv
kev cov lus hais hauv FABC lub rooj sab laj loj zaum tim 12, hnub tim 21 lub 7 hli.
Nyob hauv lub tsev txais qhua Mulia, nyob Jakarta.

Hnub 3 ntawm FABC lub rooj sab laj loj zaum tim 12, uas yog hnub tim 22 lub 7 hli.
Muaj kev ua ke xav txog thaum cov Tswv Qhia thiab cov sawv cev so, kom tau teev
Ntuj thiab rov xav txog. Ua ntej yuav rov sib tham hauv lub ntsiab lus ‘kev hloov siab
ntawm lub pwm tsav thiab cov hauj lwm tuam tus choj thiab ua tus tuam choj nyob As
Xias.’ Tswv Qhia Tagle tus lwm thawj tswj ntawm kev tshaj lub Moo Zoo ua tus coj kev
teev Ntuj nyob hauv lub tsev txais qhua Mulia, nyob Jakarta. Tau piav txog Zam ntawv
Moo Zoo zaj 1, qib 43-51. Nws txhib kom cov tuaj koom lub rooj sab laj hais txog Yes
Xus ntau dua lwm yam hauj lwm hauv kev tshaj lub Moo Zoo.

Lub Koom Haum sib xa xov ntawm lub pwm tsav Tswv Qhia As Xias (FABC-OSC), hais
txog cov hauj lwm txhab ntxiv ntawm kev tshaj lub Moo Zoo nyob hauv kev sib xa xov
digital, kev sib xa xov ntawm cov Cheeb Koom Txoos thiab kev sib koom tes hauv xeev
ntuj uas raug hais tawm nyob hauv FABC lub rooj sab laj loj zaum tim 12 lub 7 hli.

Thawj hnub hauv FABC lub rooj sab laj loj zaum tim 12, yog qhov tseem ceeb hauv cov
liv xwm. Thaum cov sawv cev siv kev pov ntawv xaiv tsa Electronic los xaiv cov neeg
ua hauj lwm thiab cov kav xwm hauv lub rooj sab laj thiab ua ob tsab ntawv. Lub rooj
sab laj uas tsa nyob hauv lub tsev txais qhua Mulia nyob Jakarta, hnub tim 21 lub 7
hli no.

Xov xwm ntawm FABC (Cov Tswv Qhia lub rooj sab laj loj tim 12, hnub time 20-26 lub 7 hli 2026)

Cov thawj coj lub Koom Txoos nyob Vas Tis Kas, nyob Africa, nyob Aws Los Pas, nyob
As Xias nrab, nyob Os Xes As Nias, nyob As Mes Lis Kas thiab tas cov thawj coj lub
Koom Txoos nyob thoob ntiaj teb, tau tuaj koom FABC lub rooj sab laj loj zaum tim 12.
Lawv cia siab tias kev mus kev ntawm lub Koom Txoos hauv lub rooj sab laj
Synodality, yuav coj kev sib haum xeeb mus rau lub ntiaj teb uas muaj kev sib tawg
heev zuj zus.

Tswv Qhia Ferrao uas nws yog tus thawj tswj cov Tswv Qhia As Xias los yog FABC,
hais cov lus qhib FABC lub rooj sab laj, hnub tim 21 lub 7 hli no tias :
“Synodal txoj cai tseem ceeb tshaj tej lus sib tham thiab nws yog qhov yuav ua raws
hauv txhua lub tsev teev Ntuj, txhua lub Cheeb Koom Txoos, txhua pab Txiv Plig thiab
Leej Phauj, thiab txhua yim neeg ntseeg nyob As Xias.”

Is Ntos Nes Xias teb tos txais cov Tswv Qhia thiab cov thawj coj lub Koom Txoos As
Xias hauv ntau yam kab lis kev cai sib txawv, hauv FABC lub rooj sab laj loj zaum tim
12 nyob hauv lub tsev txais qhua Mulia, nyob Jakarta hnub tim 21 lub 7 hli no.
Muaj suab paj nruag, muaj seev cev thiab muaj kev ua yeeb yam ntawm cov neeg hauv
zej zog, kom tau qhia txog kev nqua hu ntawm lub rooj sab laj kev koom siab mus ua
ke hauv lub Koom Txoos.

FABC tus thawj tswj hais tias : “Ntau yam sib txawv uas zoo txhij txhua nyob As Xias,
yog qhov ruaj khov loj tshaj ntawm lub Koom Txoos. Nws hu qhov ntawd tias yog qhov
paj tshab ua sau tas cov tsev teev Ntuj hauv zej zog, nyob hauv xeev ntuj los koom ua
ke hauv kev tshaj lub Moo Zoo.”

Yawg Nasaruddin Umar uas nws yog Is Ntos Nes Xias tus pwm tsav fab kev teev
hawm thov kom cov neeg ntseeg nyob thoob As Xias txais yuav xeem lus sib nyiam sib
hlub. Yog qhov daws kho kev tsis sib haum xeeb thiab txhawb nqa kev thaj yeeb. Nws
hais tias kev ntseeg yog lub zog ntawm kev sib koom siab ntau dua kev sib cais sib
tawg. Hauv kev hais lus qhib FABC lub rooj sab laj loj zaum tim 12 nyob Jakarta,
hnub tim 21 lub 7 hli no.

Xov xwm ntawm FABC (Cov Tswv Qhia lub rooj sab laj loj nyob Jakata Tim 20-26 lub 7 hli 2026)

Kev txhawj xeeb hais txog tus kab mob Aids los yog HIV

Tswv Qhia Oswald Gracias tus sawv Vaj Qhia Leo 14 chaw, tau qhib FABC lub rooj
sab laj loj zaum tim 12 hauv hnub tim 21 lub 7 hli no. Nws hais tias :
“Synodal yog ib qho paj tshab loj ntawm lub Koom Txoos muab rau lub ntiaj teb.
Thiab yuav txhib kom lub Koom Txoos As Xias ua tus tsim kev thaj yeeb hauv kev sib
tham, kev sib haum xeeb thiab kev ua kwv ua tij.”

Lub pwm tsav Tswv Qhia As Xias (FABC), rov hais txog tus ntsuj plig ntawm kev sib
koom tes daws teeb meem nyiag noj nyiaj thiab kev tswj hwm ntawm cov Txiv Plig
nyob As Xias. Hauv cov lus sib tham Tswv Qhia David uas nws yog tus lwm thawj tswj

ntawm FABC thiab yog tus thawj kav xwm fab kev sib koom siab hais tias : “Lub Koom
Txoos cov hauj lwm xav kom muaj kev lees txais saib xyuas ua ke ntau dua qub ntawm
cov Txiv Plig, cov Leej Phauj, cov Leej Tij thiab cov neeg ntseeg.”

Tswv Qhia Ferrao hais nyob hauv FABC lub rooj sab laj loj zaum tim 12, hnub tim 20
lub 7 hli no tias : “Tej kev txhawj xeeb uas cov neeg ntseeg nyob As Xias kheev kheev

raug, yog qhov ua kom lub Koom Txoos muab siab rau txhab kev sib tham thiab kev sib
haum xeeb, tsis yog yuav ua kom tsuag dua qub.” Thaum teb cov lus nug hais txog cov
neeg ntseeg uas nyob ua tej pab pawg me me hauv ntau qhov chaw nyob As Xias, mas
tus thawj tswj ntawm FABC hais tias : “Lub Koom Txoos ib txwm ua nws cov hauj lwm
hauv tej kev nyuab siab ua ntu zus los, thiab yog qhov tsim nyog.

Lub Koom Txoos cov hauj lwm nyob As Xias tsis yog kev thaub qab rov mus ua phab ntsa thaiv, tab sis yog kev tuam choj hauv kev sib tham ntawm cov zej zog uas muaj kev sib tawg. Tswv Qhia David hais cov lus nyob hauv hnub qhib lub rooj sab laj loj zaum tim 12 ntawm cov Tswv Qhia As Xias (FABC), hnub tim 20 lub 7 hli no.

Kev sib koom siab tsis yog tus txheej txheem los yog cov hauj lwm ntawm lub Koom Txoos, tab sis yog kev ua lub neej nyob hauv cov zej zog uas txawj sib txhawj xeeb. Tswv Qhia Kikuchi uas yog tus Tswv Qhia nyob Tokyo thiab yog tus lwm thawj tswj ntawm cov Tswv Qhia As Xias los yog FABC, hais rau cov lus no rau cov tuaj koom FABC lub rooj sab laj loj zaum tim 12 hauv hnub tim 20 lub 7 hli no.

Lub rooj sab laj loj zaum tim 12 ntawm cov Tswv Qhia As Xias los yog FABC, lub hom phiaj yog ntau tshaj kev sib tham thiab kev qhua qhia muaj qab muaj quag ntawm lub pwm tsav Synodal uas coj los siv nyob thoob As Xias. Yog raws li Tswv Qhia Maralit ntawm Fis Lis Pees cov lus hais. Cov Tswv Qhia Liab thiab cov Tswv Qhia coob tshaj 120 leej tuaj sib sau nyob Jakarta, txij hnub tim 20 txog 26 lub 7 hli no. Lub ntsiab lus hauv lub rooj sab laj yog “kev nqua hu kom muaj kev pauv ntxeev raws lub pwm tsav thiab cov hauj lwm ua tus choj thiab ua tus tuam choj nyob As Xias”