Xov Xwm

nqa kev tshaj lub Moo Zoo ntawm lub Koom Txoos nyob As Xias.
Pab tub txhim kho uas yog neeg ntseeg Nyab Laj txheej tshiab nyem no, tau siv sij hawm tshaj 10 xyoo hauv kev muab lawv tej kev txawj ntse los tawm tus qauv graphic design hauv kev sib tham, thiab muab Technology coj los siv kom tau txhawb nqa kev tshaj lub Moo Zoo ntawm lub Koom Txoos thiab tsim kev muaj feem cuam nrog cov tub ntxhais hluas los ntawm platform digital.

Mabanta-Fenomeno tus kws txawj ntse fab kev xa xov thiab yog tus kws tsim yeeb yaj duab neeg Fis Lis Pees hais tias : “Social Media phim yuav ua qhov chaw pib ntawm neeg kev sib tham ib txheej ntxiv. Ntau dua qhov uas lub hom phiaj tom ntej yog xaus rau kev tshaj lub Moo Zoo.” Hauv kev nrog Radio Veritas Asia sib tham ua ntej yuav muaj lub rooj sau siab cov tub tshaj Ntuj Lus Online nyob As Xias.

Tas cov tub tshaj Ntuj Lus thiab cov tub xov xwm Kav Tos Liv Online hauv txhua xeev ntuj nyob As Xias tau tuaj sib sau nyob hauv Radio Veritas Asia, hauv lub nroog Quezon City kom tau koom kev sau siab cov tub tshaj Ntuj Lus Online nyob As Xias thawj zaug, uas npaj nyob hauv hnub tim 10-13 lub 9 hlis no.

Tswv Qhia Tagle txhib cov tub tshaj Ntuj Lus Kav Tos Liv Online nyob thoob As Xias teb tias : “Thov cia Yes Xus ua tus muaj hwj chim tshaj nyob hauv lawv lub neej, kom lawv tej kev tawm tuaj thiab kev ua hauj lwm Online rais ua lub Moo Zoo qhov pov thawj tseeb tiag.

Muaj kev thov kom cov tub tshaj Ntuj Lus Kav Tos Liv Online nyob As Xias ‘ntxhi txog Yes Xus’, los ntawm nyias txoj kev tshaj lub Moo Zoo. Hauv kev mloog ib tsoom neeg, hwm tej kab lis kev cai thiab muab qhov tseeb thiab kev cia siab mus rau lub ntuj digital.

Tswv Qhia Maralit uas yog FABC tus thawj tswj fab kev xa xov hauv zej zog hais rau cov tub tshaj Ntuj Lus Kav Tos Liv Online 100 tawm leej uas tuaj sau siab nyob Fis Lis Pees teb, hauv lub rooj sau siab cov tub tshaj Ntuj Lus Online nyob As Xias thawj zaug.

Cov tub tshaj Ntuj Lus fab digital pub lub caij rau Tswv Ntuj ua hauj lwm hauv lawv tus cuj pwm, txoj hmoov thiab tej kev paub nyob hauv nyias lub neej, uas yog ua qhov chaw tos txais kom Tswv Ntuj cov lus tau mus txog lwm tus. Nov yog qhov uas tus Txiv Plig neeg Irish hais nyob hauv lub rooj sau siab cov tub tshaj Ntuj Lus Kav Tos Liv Online nyob As Xias thawj zaug hauv hnub tim 11 lub 9 hlis.

Tswv Qhia Moises M Cuevas nyob Calapan thov kom cov neeg ntseeg Kav Tos Liv hloov nyias txoj kev ntseeg mus rau kev nqis tes ua, kom tau txuag hav zoov xyoob ntoo uas yog yam Tswv Ntuj tsim.

Tswv Qhia Sunarko nyob Pangkalpinang hauv Is Ntos Nes Xias teb, hais rau cov Kav Tos Liv uas tuaj sau siab txog cov neeg thoj nam nyob hauv txhua txhua lub teb chaws tias : “Kev pluag txom nyem, kev tsis muaj hauj lwm ua thiab kev txom nyem hauv kev lag luam, tej zaum yuav ua rau cov neeg thoj nam thiab lwm cov neeg pluag txom nyem poob nyob hauv kev ua luam muag neeg.”

Hnub tim 20 lub 9 hlis no, nyob hauv cov kab ke hais txog dej uas muaj lub ntsiab lus tias : “Dej muaj txoj sia”, muaj cov me nyuam kwv yees li 40 leej ntawm lub tsev teev Ntuj hwm Leej Ntshiab As Nres nyob hauv thaj tsam Bandra lub nroog Munbai, tau koom cov hauj lwm nyob hauv hnub saib xyuas hav zoov nroj tsuag thiab yam Tswv Ntuj tsim (Care for Creation Day).

Xov xwm, hnub tim 26 lub 9 hli 2026

Cov kws tshaj kev ntseeg Kav Tos Liv nyob digital hais tias : “Qhov uas cov tub ntxhais hluas tig los siv AI hauv kev sib tham, nws yuav ua kom pom txog teeb meem kev sib raug zoo dav zuj zus. Thiab ua kom muaj kev txhawj xeeb hais txog ntiag tug thiab kev saib xyuas hauv kev ntseeg.” Tej kev txhawj xeeb no raug muab los hais nyob hauv kev sib tham Asian Catholic Digital Missionary Assenmbly 2026, nyob Mas Nis Las hnub tim 11 lub 9 hlis no.

Lub Koom Txoos nyob Nyab Laj teb, ntsib kev sib cav sib ceg hais txog kev ua Tswv Ntuj tub txib.

Tus kws txuj Govekar uas nws yog tus coj fab cov txuj kev ntseeg thiab kev tshaj lub Moo Zoo nyob Vas Tis Kas, tau hais txog zaj no hauv kev nrog Radio Veritas Asia sib tham uas yog kev sau siab ntawm cov tub tshaj Ntuj Lus digital As Xias thawj zaug, nyob hauv lub nroog Quezon City teb chaws Fis Lis Pees.

Tswv Qhia Ferrao tus thawj tswj cov Tswv Qhia As Xias (FABC) thov kom cov tub tshaj Ntuj Lus Kav Tos Liv Online, coj Yes Xus txoj kev nyiam kev hlub mus rau lub ntuj digital. Thiab siv platform Online los tsim kev sib koom siab ntau dua kev nrhiav suab npe.

Txiv Plig Cyril Victor tus kws txuj fab kev xa xov thiab cov tub xov xwm Kav Tos Liv hais tias : “Ntau xeem lus, ntau yam kab lis kev cai thiab cov xeev ntuj nyob Is Ntias teb ua kom lub Koom Txoos Kav Tos Liv yuav tsum txhim kho lub tswv yim tshiab nyob hauv digital, kom tau txuas nrog lwm cov neeg ntseeg sib sau ua ke. Tshwj xeeb tshaj yog cov lus uas hais nyob hauv zej zog.

Tswv Qhia Andrew Alarcon hais tias : “Tam sim no lub ntuj digital yog thaj av tshiab ntawm lub Koom Txoos cov hauj lwm. Nws thov kom cov neeg ntseeg coj lub Moo Zoo mus rau yam uas pauv ntxeev mus sai hauv kev xyuam xim. Kev xyuam xim xav thiab zej zog tej kev xav.” Tswv Qhia Alarcon hais cov lus no nyob hauv lub thaj txi Ntuj hnub tim 12 lub 9 hlis, hauv kev sau siab cov tub tshaj Ntuj Lus Online nyob As Xias thawj zaug, hauv lub nroog Quezon City.

Tus Txiv Plig uas tuav cov hauj lwm xa xov neeg Fis Lis Pees hais tias : “Cov tub tshaj Ntuj Lus Kav Tos Liv Online phim yuav siv platform Online kom tau qhia txog qhov tseeb hauv lub neej, hauv tej kab lis kev cai thiab tej kev paub hauv zej zog.”

Cov tub xov xwm hauv thaj av ntshiab hais tias : “Cov tub tshaj Ntuj Lus Online phim yuav pib nyob ze neeg thiab hauv lawv tej kev paub. Yuav xub mloog ua ntej mam txiav txim siab tias ; yuav tshaj yam twg los yuav saib lawv txoj kev tshaj Ntuj Lus zoo li cas.”

Tswv Qhia Chung Soon-taick nyob Xes Us thov kom cov nom tswv Kos Lim Naj txhob saib kev sib tawg hauv kev tseev tsim, thiab nrog txhawb nqa cov tub ntxhais hluas hnub xyoo 2027 (World Youth Day). Kom yog lub koob tsheej sib koom zog los pab txhawb nqa kev sib tuav xam, kev thaj yeeb thiab kev sib koom tes hauv zej zog.