Kev ntiav zog raug cai muaj txhab ntxiv, tab sis kev txuag pov hwm muaj tsawg nyob Nyab Laj teb
ILO yog lub Koom Haum tub zog ntawm cov teb chaws, tau tshaj tias kev ua hauj lwm tsis raug cai nyob Nyab Laj teb poob qis li ntawm 10 feem pua. Tab sis muaj coob leej yws yws tias cov neeg ua hauj lwm hauv lub Koom Haum loj txhib hais txog kev xa tawm, tseem ntsib teeb meem tsis ruaj khov hauv kev ua hauj lwm thiab nqi zog qis.
Kev tsim tawm muaj cov neeg ua hauj lwm li ntawm 17 plhom leej, tseem hwv Nyab Laj tsab cai tub zog tshiab uas yuav siv txij hnub tim 1 lub 7 hli 2025 no, tseem ua qhov chaw rau sawv daws sib cav heev kawg.
ILO tau muab tsab cai kawg hais txog kev ua hauj lwm tsis raug cai nyob Asia Pacific, hais txog kev txhim kho thiab cov tub zog nyob Nyab Laj teb faib ua ob feem loj, xws li kev ua liaj ua teb thiab kev tsim tawm. Muaj neeg li ntawm 17 plhom leej ua hauj lwm hauv kev tsim tawm. Raws kev tshaj tawm ntawm Vietnam Briefing hauv kev ntiav zog, qhov no nws txhab ntxiv li 23 feem pua hauv xyoo 2017 txog 2023.
Dua li ntawd, kev ntiav zog hais txog ua liaj ua teb ntawm 40 feem pua los ua 33 feem pua nyob rau tib lub caij ntawd. Yog qhov sawv daws paub tias cov Koom Haum feem ntau nqis peev hauv lub teb chaws no raug rub kom nqis peev qis, ua rau cov tub zog tus nqi zog qis vim tseem txoj txoj cai tsuas lees txais tus nqis zog qib xwb.
